الماتى قالاسىنداعى ك. بايسەيىتوۆ جانە قۇرمانعازى كوشەلەرىنىڭ قيىلىسىندا سپورتشىنىڭ تۋعان كۇنىنە وراي ارنايى مەموريالدىڭ اشىلۋ سالتاناتى ءوتۋى ءتيىس بولعان دەپ حابارلايدى Qamshy.kz اقپارات اگەنتتىگى Caravan.kz سايتىنا سىلتەمە جاساپ.

بەكىتىلگەن ۋاقىتتا اتالعان مەكەن-جايعا جۋرناليستەر مەن قالا تۇرعىندارى جيىلعان. ماقساتتارى – مەزگىلسىز اجال قۇشقان وليمپيادا چەمپيونىنىڭ ەسكەرتكىشىنە گۇل شوقتارىن قويۋ.

دەسەك تە، سپورتشى ەسكەرتكىشىنە گۇل قويۋ ءۇشىن كەلگەندەردى مەموريال ورىنىندا جوندەۋ جۇمىستارى قارسى الدى.

كەيىن بەلگىلى بولعانداي، ەلىمىزدەگى سوڭعى جاعدايلارعا بايلانىستى مەموريالدىڭ اشىلۋ سالتاناتى 17-ماۋسىمعا اۋىستىرىلعان.

ەسكە سالا كەتەيىك، قازاقستاندىق مانەرلەپ سىرعاناۋشى دەنيس تەن وتكەن جىلدىڭ 19-شىلدەسىندە كەزدەيسوق جاعدايدا قىلمىسكەرلەر قولىنان قازا تاپتى. كولىك ايناسىن ۇرلاماق بولعان قاسكويلەردى توقتاتپاق بولعان سپورتشى اۋىر جاراقات الادى. جۇمسالعان پىشاق سپورتشىنىڭ تامىرىن كەسىپ جىبەرىپ، جاراقات سالدارىنان وليمپيادا چەمپيونى قايتىس بولعان.