تىك جانە توق ىشەكتەرى قالىپتى جۇمىس ىستەمەيتىن ءتورت جاسار ايسۇلتان ەسىمدى بالاقايعا شۇعىل كومەك كەرەك دەپ حابارلايدى Qamshy.kz اقپارات اگەنتتىگى.
بۇل تۋرالى مارينا جۇماش فەيسبۋكتەگى جەكە پاراقشاسىندا جازىپ، دابىل قاقتى.
"بۇل سۇيكىمدى بالاقايدىڭ ەسىمى ايسۇلتان. جاسى تورتتە. ومىرگە قۇشتار، دۇنيەگە اكەلگەن اتا-اناسىن، اجەسىن، باۋىرلارىن، جالپى ادامزاتتىڭ ءبارىن جاقسى كورەدى. ءوزى العىر، زەرەك، اقىلدى بالا. ءبىراق جۇزىنە كۇلكى ۇيىرىلگەن ءساتتى كورۋ قيىن. كوپ كۇلە بەرمەيدى. ءاپپاق ءجۇزى تۇنجىرايدى دا تۇرادى. ويتكەنى، دۇنيە ەسىگىن اشقاننان كورگەنى اۋرۋحانا مەن كليزما. بۇل جاعداي بالانىڭ پسيحيكاسىنا وتە اۋىر سوققى بوپ تيگەن. دياگنوزى: بولەزن گيرشپرۋنگا، رەكتونالنايا فورما، ستاديا دەكومپەنساسيي وسلوجنەننىي گيرشپرۋنگ اسسوسييروۆاننىم ەنتەروكوليتوم، ديستالنىم كوپروليتوم. قاراپايىم تىلمەن ايتقاندا، بالانىڭ تىك جانە توق ىشەكتەرى قالىپتى جۇمىس ىستەمەيدى. ۇلكەن دارەتى تەك كليزما ارقىلى شىعادى. كەيدە ءبىر ايعا دەيىن دارەتى شىقپاي، ءىشى كۇپ بوپ ءىسىپ كەتەدى.
ايسۇلتان 4 جىلدان بەرى قازاقستاندىق دارىگەرلەردىڭ باقىلاۋىندا. نۇر-سۇلتاندا ەكى رەت وتا جاسالعان. ءبىرىنشى وتادا حيرۋرگتار ىشەكتى بۇيىردەن شىعارۋعا ءماجبۇر بولادى، ياعني التى اي بويى بالانىڭ ۇلكەن دارەتى بۇيىرىنەن شىعىپ ءجۇردى. ەكىنشى وتادا ىشەكتى قايتا ورنىنا جالعايدى. 4 جىل ىشىندە سانسىز مەديسينالىق تەكسەرۋدەن ءوتىپ، ول تەكسەرۋلەردىڭ ءبارى تەك ناركوز ارقىلى جۇرگىزىلگەنىن ەسكەرسەك، كىپ-كىشكەنتاي بالانىڭ قانشا رەت ناركوز العانىن ەسەپتەۋدىڭ ءوزى اۋىر. ءقازىر بالانىڭ ءىشى دومالانىپ ءىسىپ كەتكەنى سونشالىق، سوڭعى ۋزي اعزانىڭ باسقا ماڭىزدى مۇشەلەرى، اتاپ ايتقاندا جۇرەك، باۋىرعا كەرى اسەرى تيگەنىن كورسەتكەن. نۇر-سۇلتاندىق دارىگەرلەر سوڭعى تەكسەرۋ بارىسىندا ىشەك جولدارىنىڭ جارامسىز كۇيگە ءتۇسىپ بارا جاتقانىن انىقتادى.
ايسۇلتان ءدال ءقازىر بىلىكتى مامانداردىڭ شۇعىل كومەگىنە وتە مۇقتاج. 5 ايلىق پەرزەنتىمەن دەكرەتتە وتىرعان اناسى ۇلكەن ۇلىن اجەسىنە قالدىرىپ، كىشكەنتاي ءسابيىن قۇشاعىنا قىسىپ، ايسۇلتانىن جەتەكتەپ بارماعان جەرى، باسپاعان تاۋى قالمادى. تاشكەنت اسىپ، شىمكەنت، الماتى، استانا ەمحانالارىنىڭ تابالدىرىعىن توزدىرعالى 4 جىل ءوتىپتى. اۋىلدىق جەردە تۇراتىن قاراپايىم وتباسىنىڭ بيۋدجەتى دە سارقىلدى. وتاندىق دارىگەرلەر قولدان كەلگەننىڭ ءبارىن جاسادى. ءبىراق ەم قونبادى. ەندى بار ءۇمىت شەتەلدىك دارىگەرلەردە. ءقازىر كورەيا جانە يزرايل كلينيكالارىمەن كەلىسسوز جۇرگىزىلۋدە. ازىرگە ەكى كلينيكادان جاۋاپ كەلدى. ءىش قۇرىلىسىن ساقتاپ قالا وتىرىپ، بالانىڭ ەمىن قولعا الۋعا دايىن. ەمدەۋ اقىسى ورتاشا 50 مىڭ دوللارعا دەيىن بارادى ەكەن (بۇل سوما ەم بارىسىندا كوبەيۋى دە مۇمكىن). سوندىقتان كوپ بولىپ، كومەكتەسىپ جىبەرەيىك قايىرىمدى جاندار!!!! اللا رازى بولسىن!
اناسى - ايگەرىم ابدۋللا قىزى.
اناسىنىڭ بايلانىس تەلەفونى: 8705 603 5344.
كومەكتەسەمىن دەسەڭىزدەر كاسپيي گولد: 5169 4931 1007 9343
يين 8806 2940 1511."
پىكىر قالدىرۋ