ءبىلىم جانە عىلىم مينيسترلىگى ۇلتتىق ءبىرىڭعاي تەستىلەۋگە قاتىستى ءجيى قويلاتىن سۇراقتاردىڭ جاۋابىن Facebook جەلىسىندەگى رەسمي پاراقشاسىندا جاريالادى دەپ حابارلايدى  Qamshy.kz اقپارات اگەنتتىگى.  

جالپى، 97 توپ بار. وعان ءبىر نەمەسە بىرنەشە باعدارلاما كىرەدى. توپتار ءتىزىمى مەن ولارعا سايكەس پاندەر ءتىزىمىن ۇلتتىق تەستىلەۋ ورتالىعىنىڭ سايتىنان نەمەسە ۆيدەودان (پوست سوڭىندا) كورە الاسىز.

ۇبت كەزەڭدەرى

ءبىرىنشى قادام: 20 ماۋسىم مەن 5 شىلدە ارالىعىندا الدىن-الا ءوتىنىم بەرىپ، تەست تاپسىراسىز. بيىل ۇبت مەن كت بىرىكتىرىلدى. تەست تاپسىرۋ ورىندارى ءتىزىمى ۇلتتىق تەستىلەۋ ورتالىعىنىڭ سايتىندا بار. مەكتەپ بۇرىنعىداي تۇلەكتەردى تەست تاپسىرۋ ورنىنا اپارىپ-الىپ كەلۋگە جاۋاپتى ەمەس.

ەكىنشى قادام: 13-20 شىلدە ارالىعىندا ءبىلىم بەرۋ گرانتىنا بايقاۋ وتەدى. وعان ۇبت-دان ءوتىپ، جەتكىلىكتى بالل العان جاعدايدا عانا قاتىسا الاسىزدار.ۇبت

ءۇشىنشى قادام: ءبىلىم بەرۋ توپتارىن تاڭدايسىزدار.

"ءبىرىنشى جاعدايدا: مىسالى ماۋسىم ايىنداعى ۇبت كەزىندە ءسىز "بيولوگيا" + "حيميا" بويىنشا سىناق تاپسىرساڭىز، بۇل پاندەرگە تيەسىلى 16 توپتىڭ ىشىنەن (ءتىزىمى ۇتو سايتىنداعى ۆيدەودا كورسەتىلگەن) ءار ءتۇرلى جوو-دان ءتورت ءبىلىم بەرۋ توبىن تاڭداي الاسىز. ارينە، توپ ۇبت-دا تاڭداعان پانىڭىزگە ساي كەلۋى كەرەك. سىزدە مىناداي تاڭداۋ بولۋى مۇمكىن: "حيميا ءپانى ءمۇعالىمى"؛ 2. "بيولوگيا مەن ارالاس عىلىمدار"؛ "ۆەتەريناريا"؛ "جالپى مەديسينا". ءسىز وسى كورسەتىلگەن تورتەۋىن عانا ەمەس، ون التى توپتىڭ ىشىنەن باسقا ءبىلىم بەرۋ توپتارىن دا تاڭداي الاسىز.

ەكىنشى جاعدايدا: شىعارماشىلىق ماماندىققا تاپسىراتىن تالاپكەرلەر گرانت بايقاۋىنا قاتىسۋ كەزىندە تەك ءبىر عانا ءبىلىم بەرۋ توبىن تاڭداي الادى. مىسالى، "اۋديوۆيزۋال قۇرالدار مەن مەدياوندىرىس" تاڭداعاندا ەكى شىعارماشىلىق سىناق تاپسىراسىزدار. ءبىلىم بەرۋ توپتارىنان تومەندەگى ماماندىقتاردى تاڭداي الاسىزدار: "وپەراتورلىق شەبەرلىك"؛ "باسپا ءىسى"؛ "پوليگرافيا".

ءتورتىنشى قادام: وقۋعا قابىلداۋ. گرانت ءبىلىم بەرۋ توپتارىنا بولىنەدى. ال ءبىلىم بەرۋ باعدارلاماسىن (بۇرىن بۇل "ماماندىق" دەپ اتالعان) جوعارى وقۋ ورنىنا بارعان سوڭ تاڭدايسىز. "مىسالى، "حيميا ءپانىنىڭ ءمۇعالىمى" بويىنشا گرانتقا يە بولساڭىز جوعارى وقۋ ورنىنىڭ ءبىلىم بەرۋ باعدارلامالارىن قارايسىز. ايتالىق، جوو-دا "حيميا" نەمەسە "حيميا-بيولوگيا" دەگەن ءبىلىم بەرۋ باعدارلامالارى بولسا - بىرەۋىن تاڭدايسىز"، - دەپ ءتۇسىندىردى مينيسترلىك وكىلدەرى. 

وقۋعا قابىلداۋ كەزەڭى 10-25 تامىز ارالىعىندا، ون كۇنگە سوزىلادى. وقۋعا تۇسكەنى جايلى بۇيرىق ناقتى ءبىلىم بەرۋ باعدارلاماسىنا قاراي شىعادى. كەيىن وقۋ بىتىرگەن سول بويىنشا ديپلوم بەرىلەدى.

اقىلى وقۋعا ءتۇسۋ جوعارى وقۋ ورنىنا اقىلى تۇردە تۇسپەك بولعان تالاپكەرلەر ءۇشىن ۇبت-نى بىرنەشە رەت تاپسىرۋ مۇمكىندىگى بار. 2019 جىلدان باستاپ تەست قاڭتار، ناۋرىز، ماۋسىم جانە تامىز ايلارىندا وتەدى. ءار كەزدە ءار ءتۇرلى ءپان تاڭداپ تەست تاپسىرۋعا بولادى. ۇبت-2019 سەرتيفيكاتى جىلدىڭ سوڭىنا دەيىن جارامدى. وسىلايشا، جوعارى وقۋ ورنىنىڭ اقىلى بولىمىنە قۇجات تاپسىرعان كەزدە قالاعان ءپانى بويى شەكتى بالل جيناعانىن راستايتىن سەرتيفيكات ۇسىناسىز.

گرانتتار سانى 2019-2020 وقۋ جىلىنا مەملەكەت 66 556 گرانت ءبولىپ وتىر. ونىڭ 51 085ء-ى باكالاۆرياتقا، 13159ء-ى ماگيستراتۋرا، 2312ء-ى دوكتورانتۋراعا (PhD). وسى ماسەلە بويىنشا مينيسترلىكتە پارلامەنت دەپۋتاتتارى، "اتامەكەن" ۇكپ، ءتيىستى مەملەكەتتىك ورگاندار، جوو قاۋىمداستىعى جانە قوعامدىق ۇيىم وكىلدەرىنىڭ قاتىسۋىمەن ارنايى وتىرىس ءوتتى.