بۇرىنعى ءبىلىم جانە عىلىم ءمينيسترى كۇلاش ءشامشيدينوۆا قازاقستان حالقى 2021-2022 وقۋ جىلىندا 12 جىلدىق ءبىلىم جۇيەسىنە تولىق كوشەتىنىن مالىمدەدى دەپ حابارلايدى Qamshy.kz اقپارات اگەنتتىگى Hola News سايتىنا سىلتەمە جاساپ. 

ءمينيستردىڭ ايتۋىنشا، 12-جىلدىق ءبىلىم بەرۋدى ەنگىزۋ 2021-2022 وقۋ جىلىنا جوسپارلانىپ وتىر.

"رەسپۋبليكادا 2016 جىلدان باستاپ 1، 2، 3، 4، 5، 6، 7 جانە 8 سىنىپتاردا "نازاربايەۆ" زياتكەرلىك مەكتەپتەرى تاجىريبەسىنە سايكەس ازىرلەنگەن ورتا ءبىلىم بەرۋدىڭ جاڭارتىلعان مازمۇنى ەنگىزىلدى. 2019-2020 وقۋ جىلىندا جاڭارتىلعان ءبىلىم بەرۋ مازمۇنىنا 4، 9 جانە 10 سىنىپتار، ال 2020-2021 وقۋ جىلىندا 11 سىنىپ كوشەتىن بولادى. 2021 جىلى ءبىلىم بەرۋدىڭ جاڭارتىلعان مازمۇنى تولىقتاي ەنگىزىلگەننەن كەيىن 12-جىلدىق ءبىلىم بەرۋگە كەزەڭ-كەزەڭىمەن كوشۋ جوسپارلانعان"، - دەپ ايتتى ءشامشيدينوۆا.

قازىرگى تاڭدا 12 جىلدىق ءبىلىم بەرۋگە كوشۋ قۇرىلىمى قازاقستانداعى ءبىلىم مەن عىلىمدى دامىتۋ مەملەكەتتىك باعدارلاماسىنىڭ جوباسىنا ەنگىزىلگەن.

"12-جىلدىق ءبىلىم بەرۋدى ەنگىزۋ 2021-2022 وقۋ جىلىنا جوسپارلانىپ وتىر. قازاقستانداعى ءبىلىم مەن عىلىمدى دامىتۋ مەملەكەتتىك باعدارلاماسى بەكىتىلگەننەن كەيىن مەملەكەتتىك جالپىعا مىندەتتى ءبىلىم ستاندارتتارى مەن وقۋ جوسپارلارىنا ءتيىستى وزگەرتۋلەر ەنگىزىلەدى"، - دەدى ك.ءشامشيدينوۆا.