ماڭعىستاۋ تۋريزم كوللەدجىنىڭ ستۋدەنتتەرى، بولاشاق ماركەتولوگتار اقتاۋداعى وڭىرلىك كاسىپكەرلەر پالاتاسىنا ەكسكۋرسياعا باردى. 1-كۋرستى ءتامامداعان تالىمگەرلەر جىل بويى جالپى پاندەر بويىنشا ءبىلىم الىپ، ەندى ءبىر اپتالىق وقۋ تاجىريبەسىنەن وتۋدە. جاستاردى نەگىزىنەن كاسىپتى قالاي اشۋعا بولادى؟ كومپانيا ماركەتينگى قالاي جاسالادى؟ بيزنەسكە قاراجات الۋ جولدارى مەن سەرتيفيكاتتاۋ سياقتى سۇراقتار كوبىرەك قىزىقتىردى.
«مەنىڭ انام 20 جىلدان بەرى كاسىپكەر. ورتالىق بازاردا ساۋدا-ساتتىقپەن اينالىسادى. ءوزىم ماركەتولوگ ماماندىعىن تاڭداپ كەلدىم. انام سياقتى ۋاقىت وتە كەلە كاسىپتىڭ قىر-سىرىن ۇيرەنگەن ەمەس، ماركەتينگىتىڭ بارلىق ادىستەرىن يگەرگەن بىلىكتى مامان بولعىم كەلەدى. بولاشاعىمدى جارقىن بولسىن دەپ بار ىنتاممەن ءبىلىم الىپ ءجۇرمىن» – دەيدى ستۋدەنت لاۋرا ۋبايدۋللايەۆا.
كاسىپكەرلەر پالاتاسىنىڭ بىلىكتى ماماندارى ستۋدەنتتەردىڭ بارلىق سۇراقتارىنا جاۋاپ بەردى.
«اۋىلدىق جەرلەردە بيزنەس اشقىسى كەلەتىن كاسىپكەرلەر سانى كوبەيىپ كەلەدى. تابيعي ءونىم ءوندىرىپ، وعان ءتيىستى سەرتيفيكاتتار مەن رۇقساتناما بەرۋ، پايدا مەن شىعىندى تارازىلاۋ، وعان وتاندىق ءونىم دەگەن اتاۋ بەرۋ سىندى ءتۇرلى قىزمەتتەردى كاسىپكەرلەر پالاتاسىنان الۋعا بولادى. بارلىق قىزمەت ءتۇرىن شالعاي اۋىلدان اۋرە-سارساڭعا ءتۇسىپ ورتالىققا كەلمەي، ۇيدەن شىقپاي-اق ەلەكتروندى تۇردە الاتىن بولدى. ەگەر كوزبە-كوز كەڭەسەمىن دەسە، كەڭەسشىلەر مەن ماركەتينگ ماماندار، زاڭگەرلەر كونسۋلتاسيالىق قىزمەت كورسەتۋگە دايىن»، – دەيدى وكپ ادامي كاپيتالدى دامىتۋ ءبولىمىنىڭ باسشىسى ريما قۇرمانعازييەۆا.
«بيىل جالپى ءپان وتتىك، ەندى جاڭا وقۋ جىلىندا ارناي پانگە اۋىسامىز. سوندىقتان دا ءوز ماماندىقتارىنا دەگەن قىزىعۋشىلىعىن وياتۋ، ستۋدەنتتەردىڭ كونتينگەنتىن تۇراقتى ۇستاۋ ماقساتىندا پالاتاعى ساياحات ۇيىمداستىردىق. ماماندىققا كىرىسپە، بيزنەس يدەيانى دامىتۋ ءۇشىن كوللەدجدىڭ ءار كۋرسىندا «كاسىپكەرلىك نەگىزدەرى» ءپانى قوسىلدى. وسىنىڭ ءبارىن تاجىريبە جۇزىندە كورۋگە جاعداي جاساپ وتىرمىز. شاكىرتتەرىمىزگە ءبارى ۇناپ جاتىر»، – دەيدى ماڭعىستاۋ تۋريزم كوللەدجىنىڭ وقىتۋشىسى گۇلجان سىدىقوۆا.
ستۋدەنتتەر كاسىپكەرلەر پالاتاسىنىڭ بارلىق بولىمدەرىن ارالاپ شىقتى. ۇستازدارى مەن ستۋدەنتتەر الدا دا ۇزبەي كەلىپ تۇرۋعا ۋاعدالاستى.
پىكىر قالدىرۋ