ق ر مەملەكەتتىك قىزمەت ىستەرى اگەنتتىگىنىڭ اتىراۋ وبلىسى بويىنشا دەپارتامەنتىنىڭ باستاماسىمەن، وبلىستىق مادەنيەت، ارحيۆتەر جانە قۇجاتتاما باسقارماسىنىڭ قولداۋىمەن ن.ءجانتورين اتىنداعى وبلىستىق فيلارمونيا زالىندا «مەنىڭ ەلىم – قازاقستان» اتتى مەملەكەتتىك قىزمەتشىلەر اراسىنداعى پاتريوتتىق اندەر فەستيۆالى ءوتتى.
«مەملەكەتتىك قىزمەتشى​ – ەلدىڭ مۇددەسى ءۇشىن ءوز كۇشىن، ۋاقىتىن اياماي ەڭبەك ەتەتىن تۇلعا. مىنە، مەملەكەتتىك قىزمەتشىلەردىڭ ءتول مەرەكەسى دە جاقىندادى. وسى ورايدا، وبلىستىڭ مەملەكەتتىك قىزمەتشىلەرى اراسىندا پاتريوتتىق اندەر فەستيۆالىن ۇيىمداستىرىپ وتىرمىز. بارلىق قاتىسۋشىلاردىڭ جاقسى دايىندالعانى كورىنىپ-اق تۇر. ولاردىڭ اراسىندا ەكى دۋەت، ءبىر تريو دا بار. جانە ايتا كەتەتىنى، بۇل شاراعا شالعاي اۋدانداردىڭ مەملەكەتتىك قىزمەتشىلەرىدە قاتىسىپ وتىر. ءارى قارايدا مەرەكەلىك شارالارىمىز ءوز جالعاسىن تاپپاق...» - دەدى ءوز سۇحباتىندا دەپارتامەنت باسشىسى توقتامىس جۇماعۇلوۆ.
اتالعان شارادا بارلىعى 14 قاتىسۋشى ب ا ق سىنادى. بارلىق قاتىسۋشىلاردىڭ اندەرى دە وتان، تۋعان​ جەر، اتامەكەن تاقىرىپتارىنا توعىسا وتىرىپ، ارنايى مۋزىكالىق بىلىمدەرى بولماسا دا اسقان شەبەرلىكپەن اندەرىن شىرقاپ شىقتى..
فەستيۆالدىڭ ءادىل تورەلىگىن كورسەتەتىن قازىلار القاسىدا قۇرىلدى.​ قازىلار القاسىنىڭ شەشىمىمەن، بايقاۋ قورىتىندىسى بويىنشا ماحامبەت اۋداندىق مادەنيەت جانە تىلدەردى دامىتۋ ءبولىمىنىڭ باسشىسى نۇرعالي ارۋيەۆ III ورىنمەن، اتىراۋ وبلىسى اكىمى اپپاراتىنان قۇرالعان دۋەت II ورىنمەن، اتىراۋ وبلىسى ستاتيستيكا دەپارتامەنتى قىزمەتكەرلەرىنەن قۇرالعان دۋەت​ I ورىنمەن ماراپاتتالسا، قالعان قاتىسۋشىلار ارنايى ديپلومدارمەن ماراپاتتالدى.
ايتا كەتسەك، فەستيۆالدا بارلىق قاتىسۋشىلار تەك جاندى داۋىستا عانا ەمەس، ارنايى مۋزىكالىق اسپاپتارمەن دە ءان شىرقادى.