اتىراۋ وبلىسىنىڭ مەملەكەتتىك قىزمەتشىلەرى، جەرگىلىكتى اتقارۋشى ورگاندارعا قاراستى ۇيىمدار ءبىر كۇندىك جالاقىلارىن تۇركىستان وبلىسىنداعى ارىس قالاسىنىڭ تۇرعىندارىنا كومەك رەتىندە اۋدارادى.
​اكىمدىكتە اتاپ وتكەندەي، قيىن كەزەڭدە وتانداستارىنا قولداۋ كورسەتۋ – ءاربىر قازاقستاندىقتىڭ پارىزى.
​- ارىستا ورىن العان قايعىلى جاعداي ەشكىمدى بەي-جاي قالدىرمادى. ەلىمىز ءۇشىن كۇردەلى وسى كەزەڭدە بارشاڭىزدى بىرلەسۋگە جانە قولدان كەلگەنشە كومەكتەسۋگە شاقىرامىز،- دەپ اتاپ ءوتتى اكىمدىكتىڭ باسپا ءسوز قىزمەتى.
​سونىمەن قاتار، «Nur Otan» پارتياسىنىڭ اتىراۋ فيليالىندا اسكەري قويماداعى جارىلىس كەزىندە زارداپ شەككەن ارىستىڭ تۇرعىندارىنا كومەك قابىلداۋ پۋنكتى اشىلدى.
مۇقتاج جاندارعا قاجەتتى زاتتار مىنا مەكەن-جاي بويىنشا قابىلدانادى: اتىراۋ قالاسى، ايتەكە بي كوشەسى، 79ا، «Nur Otan» پارتياسىنىڭ عيماراتى.
قوسىمشا اقپارات الۋ ءۇشىن مىنا تەلەفوندارعا حابارلاسۋ قاجەت:
+7​ 775​ 000 2885 رينات، +7​ 775​ 363 7848 دينارا