اتىراۋ وبلىسىنىڭ اكىمى نۇرلان نوعايەۆ ۇيىمداستىرۋشىلارمەن جانە ءازىربايجاننان، رەسەيدەن، قىرعىزستاننان، وزبەكستاننان، تۇركىمەنستاننان، قازاقستاننان كەلگەن كومپوزيتورلارمەن كەزدەستى.
كەزدەسۋدە مادەنيەت پەن ونەردى بىرلەسە دامىتۋ بويىنشا حالىقارالىق ۇيىمىنىڭ (تيۋركسوي) باس حاتشىسى بۇنداي شارانىڭ قازاقستاندا تۇڭعىش ءوتىپ جاتقانىن اتاپ ءوتتى.
- بۇگىن اتىراۋدا الەمدەگى بارلىق مۋزىكالىق فەستيۆالدەرگە قاتىسىپ جۇرگەن تالانتتى، بەلگىلى كومپوزيتورلار جينالىپ وتىر. الداعى جوسپارلارىمىز اۋقىمدى. ءبىزدى وڭتۇستىك كورەياداعى مۋزىكالىق فەستيۆال كۇتىپ تۇر. جاقىن ارادا باشقۇرتستاندا تۇركى حالىقتارىنىڭ زاماناۋي مۋزىكاسىنىڭ فەستيۆالى وتەدى. تاتارستان ەۋرازيالىق فەستيۆالدى وتكىزەدى. بۇگىن اتىراۋداعى وسىنداي ءبىر ۇلكەن شاراعا قاتىسىپ وتىرمىز. ونىڭ ءبىزدىڭ ەلدەردىڭ مۋزىكالىق مادەنيەتىن دامىتۋ ءۇشىن ماڭىزى زور،-دەدى دۇيسەن قاسەينوۆ.
وبلىس اكىمى حالىقارالىق فەستيۆالدىڭ ۇيىمداستىرۋشىلارى مەن قوناقتارىنا ارناپ لەبىزىن ايتتى.
- سىزدەر ءوز ءىسىن ۇزدىك مەڭگەرگەن شەبەرسىزدەر. اللا بەرگەن تالانتتىڭ، ەڭبەكتەرىڭىزدىڭ ارقاسىندا تابىس بيىگىنەن كورىندىڭىزدەر. سىزدەردى ءوز ەلدەرىڭىز عانا ەمەس، جىراق جەرلەر دە تانىپ وتىر. ءبىزدىڭ دە مادەنيەت، ادەبيەت، ونەر قايراتكەرلەرى مارتەبەلى رەسپۋبليكالىق، حالىقارالىق بايقاۋلاردا توپ جارىپ، لاۋرەات اتانىپ جۇرگەنىن ماقتانىشپەن اتاپ وتەمىن. بۇل ءبىزدىڭ كوريفەيلەرىمىز قالىپتاستىرعان بازانىڭ، ءداستۇردىڭ جەمىسى. بۇل قۇرمانعازى، دينانىڭ ەلى،-دەدى نۇرلان نوعايەۆ.
ءوڭىر باسشىسى بۇنداي اۋقىمى كەڭ شارالار مادەنيەت، مۋزىكا، ونەر ارقىلى مەملەكەتارالىق قاتىناستاردىڭ دامۋىنا تىڭ سەرپىن بەرەتىنىنە سەنىم ءبىلدىردى.

شاراعا الىس-جاقىن شەتەلدەردەن تۇركىتىلدەس حالىقتاردىڭ ونەرىنىڭ تۋىن جەلبىرەتىپ جۇرگەن كومپوزيتورلار قاتىستى. اتاپ ايتقاندا، رەسەي فەدەراسياسىنىڭ حالىق ءارتىسى، رف كومپوزيتورلار وداعىنىڭ ءتوراعاسى، راشيد قاليمۋللين، باشقۇرتستان حالىق ءارتىسى، باشقۇرتستان كومپوزيتورلار وداعىنىڭ ءتوراعاسى لەيلا يسماگيلوۆا، قىرعىزستان حالىق ءارتىسى، قىرعىزستان كومپوزيتورلار وداعىنىڭ ءتوراعاسى، قىرعىزستان مەملەكەتتىك كونسەرۆاتورياسىنىڭ رەكتورى مۇراتبەك بەگالييەۆ، ءازىربايجان حالىق ءارتىسى، گادجيبەكوۆ اتىنداعى ءازىربايجان مەملەكەتتىك مۋزەيىنىڭ ديرەكتورى ساردار فارادجيەۆ، وزبەكستاننىڭ ەڭبەك سىڭىرگەن ونەر قايراتكەرى، وزبەكستان مەملەكەتتىك كونسەرۆاتورياسىنىڭ دوسەنتى حۋرشيداحون حاسانوۆا، تۇركمەنستاننىڭ ەڭبەك سىڭىرگەن ونەر قايراتكەرى، تۇركمەنستان كومپوزيتورلار وداعىنىڭ ءتوراعاسى روۆشەن نەپەسوۆتار كوكتەڭىزدىڭ ساعاسىنا، اق جايىقتىڭ جاعاسىنا كەلىپ، ءوز تۋىندىلارى ارقىلى ءتۇبى ءبىر تۇركى حالىقتارىنىڭ تۋىستىعىن دالەلدەدى.

سونداي-اق، ءوز ەلىمىزدىڭ ارداقتىلارى، قازاقستان رەسپۋبليكاسىنىڭ ەڭبەك سىڭىرگەن قايراتكەرى بەيبىت دالدەنباي، قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى ۆلاديمير ستريگوسكيي-پاك، قۇرمانعازى اتىنداعى قازاق ۇلتتىق كونسەرۆاتورياسىنىڭ دوسەنتى ەرمەك ءومىروۆ، حالىقارالىق كونكۋرستاردىڭ لاۋرەاتى حابيبوللا سەتەكوۆ، حالىقارالىق كونكۋرستاردىڭ لاۋرەاتى، وسكەمەننەن كەلگەن سۆەتلانا اپاسوۆالار دا فەستيۆالگە قاتىستى. فەستيۆال جوباسىنىڭ اۆتورى – قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، تۇركى كومپوزيتورلار قاۋىمداستىعىنىڭ پرەزيدەنتى بالنۇر قىدىربەك.

فەستيۆال شىمىلدىعى رەسپۋبليكالىق كونكۋرستاردىڭ لاۋرەاتى سايا جۇماشيەۆانىڭ ديريجەرلىك ەتۋىمەن، «نارىن» حالىق اسپاپتار وركەسترىنىڭ ورىنداۋىنداعى بالنۇر قىدىربەكتىڭ «التاي-اتىراۋ اراسى» تۋىندىسىمەن اشىلدى. ساردار فارادجيەۆتىڭ «كوروعلى»، سۆەتلانا اپاسوۆانىڭ «سارىارقا ءححى»، لەيلا يسماگيلوۆانىڭ «قۋراي مەن وركەسترگە ارنالعان پەسا»، حابيبوللا سەتەكوۆتىڭ «چاپبايات»، ر. ابدۋللايەۆتىڭ «لازگي»، ەرمەك ءومىروۆتىڭ «ءۇش وزەن» «اقجايىق»، روۆشەن نەپەسوۆتىڭ «تۇرىكمەن ورنەگى»، ۆلاديمير ستروگاسكيى-پاكتىڭ «دالا تويى»، باحتيار امانجولدىڭ «قيادان قيقۋ تۇسكەندە»، حۋرشيداحون حاسانوۆانىڭ «Qizgina» شىعارمالارى وركەستردىڭ ورىنداۋىندا كورەرمەندەر قوشەمەتىنە بولەندى. سونداي-اق، بالنۇر قىدىربەكتىڭ «تۋعان مەكەن كۇرەڭبەل» ءانى اباي اتىنداعى قازاق مەملەكەتتىكاكادەميالىق وپەرا جانە بالەت تەاترىنىڭ جەكە ءسوليسى دارحان جولدىبايەۆتىڭ، مۇراتبەك بەگالييەۆتىڭ «»ساعىندىم» ءانى اباي اتىنداعى قازاق مەملەكەتتىكاكادەميالىق وپەرا جانە بالەت تەاترىنىڭ جەكە ءسوليسى گۇلزات داۋىربايەۆانىڭ، مارات ءىلياسوۆتىڭ «سارىارقا سازى» ءانى گۇلزات داۋىربايەۆا مەن دارحان جولدىبايەۆتىڭ، تاتيانا شالگينوۆانىڭ «انيس ءانى» گۇلزات داۋىربايەۆانىڭ، بەيبىت دالدەنبايدىڭ «كەزدەسەيىك» ءانى گۇلزات داۋىربايەۆا مەن دارحان جولدىبايەۆتىڭ، ، راشيد كاليمۋلليننىڭ «كاچان گانا وچراچىربىز» ءانى گۇلزات داۋىربايەۆانىڭ، ي. ءازمانليدىڭ «ءازىربايجان بايراعى» ءانى گۇلزات داۋىربايەۆا مەن دارحان جولدىبايەۆتىڭ ورىنداۋىندا ورىندالدى.

كەش سوڭىندا ساحناعا وبلىس اكىمىنىڭ اتىنان «ىقىلاس» گ ۇلى اكەلىندى.