جۇمىلا كوتەرگەن جۇك جەڭىل. ماڭعىستاۋ وبلىسىندا «نۇر وتان» پارتياسىنىڭ وبلىستىق، اۋداندىق جانە اۋىلدىق فيليالدارىندا گۋمانيتارلىق كومەك قابىلداۋ پۋنكتتەرى اشىلدى. وندا ارىس قالاسىنداعى توتەنشە جاعدايدان زارداپ شەككەن تۇرعىندارعا قاجەتتى تۇرمىستىق زاتتار مەن ازىق-تۇلىكتەر جينالۋدا. بۇعان قوسا، پارتيانىڭ وبلىستىق فيليالىنىڭ ۇجىمى ءبىر كۇندىك جالاقىلارىن اۋداردى.
-بارلىق مەكەمە جۇمىسشىلارى مەكەمەلەر، تۇرعىندار بىزدە گۋمانيتارلىق كومەك قابىلداۋ پۋنكتى جۇمىس جاساپ جاتىر سوندىقتان كىمدە كىم قانداي كومەك بەرەتىن بولسا، كەلىپ كومەكتەرىن بەرۋگە بولادى. مەن ماڭعىستاۋلىقتاردى ءوزىمنىڭ پارتيالاستارىمدى باستاۋىش پارتيا ۇيىمدارىن وسى ارىس قالاسىنىڭ تۇرعىندارىنا كومەك كورسەتۋگە شاقىرامىن، دەيدى «نۇر وتان» پارتياسى ماڭعىستاۋ وبلىستىق فيليالى ءتوراعاسىنىڭ ءبىرىنشى ورىنباسارى ەلۋباي ءابىلوۆ.
سونداي-اق، ارىستاعى اعايىنعا ماڭعىستاۋ وبلىسى «اتامەكەن» كاسىپكەرلەر پالاتاسىنىڭ ۇجىمى دا ءبىر كۇندىك جالاقىلارىن اۋداراتىن بولىپ شەشتى. مۇنى وبلىس، قالا مەن اۋداندارداعى بارلىق قىزمەتكەرلەر ءبىر اۋىزدان قولداپ وتىر. «باستىڭ اماندىعى، ەلدىڭ تىنىشتىعى، انا مەن بالا جىلاماي، شاڭىراق شايقالماي، مەملەكەت ىرگەسىنىڭ بۇتىندىگى-وسى ءبىزدىڭ باعا جەتپەس قۇندىلىعىمىز ەكەنىن تۇسىنەيىك! «اتامەكەن» ۇكپ زارداپ شەككەندەرگە قولداۋ ءبىلدىرىپ، كومەك كورسەتۋ ءۇشىن «مەنىڭ اتامەكەنىم» قورىنىڭ ەسەپشوتىن دا ۇسىنادى»،- دەيدى وڭىرلىك كاسىپكەرلەر پالاتاسىنىڭ ديرەكتورى نۇربەك قاراسايەۆ.
پىكىر قالدىرۋ