بۇگىن سولتۇستىك جانە وڭتۇستىك كورەيانى قوسقاندا جەتى ەلگە باراتىن حالىقارالىق اۆتوشەرۋ اتىراۋ قالاسىنا كەلىپ جەتتى دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
حالىقارالىق اۆتوشەرۋ "رەسەي حالىقتارىنىڭ اسسامبلەياسى" جانە جالپىرەسەيلىك قوعامدىق ۇيىمداردىڭ ۇيىمداستىرۋىمەن ماسكەۋ قالاسىنان باستاۋ العان بولاتىن.
بۇل شەرۋ ماسكەۋ – تاشكەنت – نۇرسۇلتان – ۇلان–باتور-پحەنيان – پەكين – سەۋل – ماسكەۋ باعىتى بويىنشا جۇرەدى. اۆتوشەرۋدىڭ نەگىزگى ماقساتى ەلدىڭ حالىقتارىنىڭ بىرلىگىن نىعايتىپ، حالىقارالىق بايلانىستى نىعايتۋ. بۇگىن سول اۆتوشەرۋدىڭ قاتىسۋشىلارىمەن اتىراۋدا كەزدەسۋ ءوتتى. كەزدەسۋدە اتىراۋ قالاسى اكىمىنىڭ ورىنباسارى ۇلىقبەك تنالييەۆ قاتىسۋشىلارعا وڭىرىمىزگە كەلگەندەرى ءۇشىن العىسىن ايتىپ،ريزاشىلىعىن ءبىلدىردى.
"بۇگىنگى حالىقارالىق اۆتوشەرۋگە قاتىسۋشالار ءبىزدىڭ وڭىرگە قوش كەلدىڭىزدەر. اتىراۋ وبلىسى ەلىمىزدىڭ مۇنايلى استاناسى. ەلىمىزدە ءار ءتۇرلى ەلدىڭ حالقى بەيبىت ءومىر ءسۇرىپ كەلەدى. بۇگىنگى اۆتوشەرۋدىڭ ماقساتى دا ەلدەردىڭ ارا-قاتىناسىن نىعايتۋ جانە حالىقارالىق بايلانىستاردى ارتتىرۋ. الداعى اۆتوشەرۋدە جولدارىڭىز بولسىن"،- دەيدى ۇلىقبەك تنالييەۆ.
اۆتوشەرۋگە قاتىسۋشى "ەدينستۆو" جۋرنالىنىڭ باس رەداكتورى الەكساندر شين ىستىق ىقىلاسپەن كۇتىپ العان اتىراۋ جۇرتشىلىعىنا ءوز العىسىن ءبىلدىردى.
"اۆتوشەرۋگە قاتىسۋ مەن ءۇشىن ۇلكەن مارتەبە. وڭاي ەمەس، دەگەنمەن ءار ءتۇرلى قىزىقتار باسىمىزدان ءوتىپ جاتىر. اتىراۋ وڭىرىنە كەلىپ جاتىرمىز. كۇتىپ العاندارىڭىز ءۇشىن راقمەتىمىزدى ايتامىز دەدى"،- الەكساندر شين.
ايتا كەتەيىك، اۆتوشەرۋ 9 شىلدە كۇنى ماسكەۋ قالاسىنان باستاۋ العان بولاتىن. 10 اۆتوكولىكپەن 30 مىڭ شاقىرىمدى باعىندىراتىن بولادى.
پىكىر قالدىرۋ