تۇركىستان وبلىسىندا مەشىت يمامىن وتباسىنىڭ كوزىنشە ۇرىپ-سوعىپ كەتكەن دەپ جازادى Qamshy.kz اقپارات اگەنتتىگى. بۇل تۋرالى يلياس بۋرحانوۆ ەسىمدى الەۋمەتتىك جەلى قولدانۋشىسى حابارلادى.
"1990-شى جىلعى كۇش كورسەتۋ ءالى قالماپتى. مىنا ۆيدەوداعى ءبىزدىڭ اۋىلدىڭ يمامى. ۇيىنە كىرىپ، بالا-شاعاسىنىڭ كوزىنشە ۇرىپ كەتىپتى. ايەلىنىڭ ايتۋىنشا، ۇرىپ-سوققان جىگىتتەردىڭ قولىندا قولىندا تەمىر بولعان. كاستەت شىعار. اجىراتۋعا كەلگەندەردى بۇزىقتىڭ ەكى ءىنىسى ەسىكتىڭ الدىندا كىرگىزبەي ۇستاپ تۇرىپتى. اۋىل جاعاسىن ۇستاپ وتىر. جابىرلەنۋشى اۋرۋحانادا، ال سوققىعا جىققاندار "تايرانداپ" ءجۇر. ونىمەن قوسا "ءولتىرىپ تاستايم، بالا-شاعاڭ جەتىم قالادى، ماعان دەسەڭ اكىم-گەنەرال-مەنەرالىڭدى دا الىپ كەل" دەگەن سوزدەرمەن قورقىتقان.
ءىستى سوڭىنا دەيىن ءجىتى قاداعالاپ، لايىقتى جازاسىن الۋدى سۇرايمىز. بۇنى زاڭدى تۇردە جازاسىن بەرىپ توقتاتپاساق، كۇش كورسەتۋدى جاقسى كورەتىندەر كوبەيەدى"، - دەپ جازدى يلياس بۋرحانوۆ ءوزىنىڭ فەيسبۋك پاراقشاسىنا.
