كۇنى كەشە الاگەۋىم ۋاقىتتا "كومسومول قايداسىڭ؟" دەپ جولعا شىقتىق. الماتىدان الشاق جاتقان اۋىل ەكەن. مەكتەپ جاڭا ءھام ەڭسەلى كورىنەدى. ەسىك الدىندا قاراڭ-قۇراڭ ەتكەن ونشاقتى ادامنىڭ سۇلباسى. بۇ كىسىلەر مەكتەپ ديرەكتورى جانار باقىت قىزى باستاعان مۇعالىمدەر ۇجىمى ەكەن.
"قامشى-سۇحبات" باعدارلاماسىنداعى اماندىق باتالوۆپەن سۇحباتقا سىلتەمە: ەكسكليۋزيۆتى سۇحبات: الماتى وبلىسىنىڭ اكىمى اماندىق باتتالوۆ نەگە وكىنەدى؟
عالامتوردا تاراپ كەتكەن باسشىلارى تۋرالى اقپاراتتى جالعان دەپ تانىعان كىسىلەردىڭ قوسىنى – بۇل. قۇپ! Qamshy.kz اقپارات اگەنتتىگىنىڭ قوس ءجۋرناليسى ءمان-جايدى انىقتاپ، پىكىرلەر توپتاماسىن جىكتەي باستادىق. انىقتالعانداي (مۇعالىمدەردىڭ ايتۋىنشا):
- بۇل ۇجىمدى باسقارعان ۋاقىتىندا جانار باقىت قىزى ەشقانداي مۇعالىمگە "نەسيە الىپ بەر" دەپ ءوتىنىش جاساماعان. ءتىپتى، مەكتەپ ديرەكتورى جەكە باسىنا قاتىستى نارسەلەردى مۇعالىمدەرمەن بولىسپەيتىن
- عالامتوردا تاراپ، وبلىس باسشىنىڭ الدىنا دەيىن بارعان فوتودا باستاۋىش سىنىپ ءمۇعالىمى بازاردان قايتقان بەتىندە ءبىر قۇجاتقا قول قويۋ ءۇشىن مەكتەپكە باس سۇققان. جازعى دەمالىس كەزىندە مەكتەپتە جۇرگەن قۇربىلار (مۇعالىمدەر) بازارلىق قىزىقتاۋعا كوشكەندە (قالتا اقتارىپ) ءبىر بارماعىن ىشىنە بۇككەن بىرەۋ سىرتتان فوتوعا شىرت ەتكىزىپتى-مىس.
پىكىرلەر قايشىلىعى بايقالمايدى. مۇعالىمدەر اپپاق شاشتارىن، نەشە جىلعى بالا تاربيەلەگەن تاجىريبەلەرىن العا تارتىپ، اق ەكەندەرىن ايعاقتاۋعا ۇمتىلىپ باعادى. قۇپ! ەڭسەلى ەكى قاباتتى جاڭا مەكتەپ باسشىسىنىڭ كابينەتى كىرە بەرىستە ورنالاسىپتى. سىرتى اينەكپەن جابىلعان. ديرەكتوردىڭ قالاي قيمىلداعانى ءمۇعالىم بىلاي تۇرسىن، وقۋشىلارعا كورىنىپ تۇرادى.
- "مەن وسىنداي اقپارات شىققان كەزدە قاتتى قاپا بولدىم. ءبىر عانا فوتو ارقىلى، قاتە ماقساتتا تۇسىرىلگەن فوتو ارقىلى ادامنىڭ ءومىرىنىڭ تاس-تالقانىن شىعارۋعا بولادى ما ەكەن؟! مەن مۇعالىمدەرگە قاتتى سويلەپ، نامىسىنا تيگەن ەمەسپىن. وزدەرى ايتا جاتار، ول جاعىن. مەكتەپتە ساۋدا-ساتتىق مۇلدەم بولمايدى. ال الگى كرەديت دەگەن، ءتىپتى، كۇلكىڭدى كەلتىرەدى. ساناسى ساۋ ادام ءوز قۇجاتىمەن وزگەگە اقشا الىپ بەرۋشى ما ەدى؟!" - دەيدى مەكتەپ ديرەكتورى.
اعىمداعى جىلدىڭ 11-ساۋىرىندە مەكتەپ كولەمىندە ساۋدا-ساتتىق جاساۋعا تىيىم سالىنعانى تۋرالى بۇيرىق شىعارىلعان. بۇيرىققا مۇعالىمدەردىڭ بارلىعى "تانىستىم" دەپ جازىپ، قول قويعان. ءمور باسىلعان قۇجاتتى جانار باقىت قىزى بىزگە دە كولدەنەڭ تارتتى.
دوڭگەلەك ۇستەل باسىنا جيىلعان ۇجىمنىڭ ءبارى ديرەكتوردىڭ ۇستىنەن ايتىلعان دۇنيەلەردى تۇگەلدەي جوققا شىعاردى.
- "ديرەكتورعا جەكە مۇددەسى ارقىلى قارسى بولىپ جۇرگەن الدەبىرەۋ بولماسا، ۇجىمدىق ءبولىنۋ، قىزمەتكە، ساعاتقا تالاس دەگەن بىزدە اتىمەن جوق"، - دەگەنگە سايادى مۇعالىمدەردىڭ پىكىرى.
"مەن سول كابينەتتە بولعان مۇعالىمدەردىڭ ءبىرىمىن. مەكتەپ الدى دايارلىق بولىمىندە ساباق بەرەمىن. مەنىڭ قولىمداعى بازارلىق - ۇيىمە العان زاتتارىم. ەشقانداي ساۋدامەن اينالىسپايمىن"، – دەيدى شۋلى فوتوداعى "كەيىپكەرلەردىڭ" ءبىرى.
جۋرناليستەرگە ءوز ەرىكتەرىمەن تۇسىنىك بەرۋگە جيىلعان مۇعالىمدەردىڭ پىكىرلەرىن تومەندەگى ۆيدەودان كورە الاسىزدار:
پىكىر قالدىرۋ