فرانسيانىڭ شىعىسىندا ءومىر ءسۇرىپ جاتقان مۇمكىندىگى شەكتەۋلى ازامات قوراپ سىرتىنان تۋرا ءوزىنىڭ اياعىن كورىپ قاتتى تاڭ قالعانىن جاسىرمايدى. ول ەشكىمگە ءوزىنىڭ فوتولارىن جاريا ەتۋگە رۇقسات بەرمەگەن دەپ جازادى Qamshy.kz اقپارات اگەنتتىگى.
بۇدان بولەك، ونىڭ اياعىنىڭ كەسىلۋىنە تەمەكى شەگۋدىڭ مۇلدە قاتىسى بولماعان. سىرتىندا ەر ادامنىڭ دەنە مۇشەسىنىڭ سۋرەتى ورنالاسقان قوراپپەن تەمەكى ساتۋعا ەۋرووداق رۇقسات بەرىپتى-مىس. قوراپتا «شىلىم شەگۋ – دەنساۋلىققا زيان» دەگەن جازۋ بار.
60 جاستاعى البانيا ازاماتى اياعىنىڭ كەسىلۋىنە ءوز ەلىندە جۇرگەندە العان تەرەڭ جاراقات سەبەپ بولعانىن ايتادى. بۇل جاراقاتتى ول 1997 جىلى الىپتى.
البان ازاماتىنىڭ ادۆوكاتى ەشبىر كەلىسىمسىز ادامنىڭ سۋرەتىن جاريا ەتۋگە بولمايتىنى تۋرالى حات جازىپ، ەۋروپالىق كوميسسياعا جولداعان. فرانسيادا تۇراتىن ازامات ءوزىنىڭ اياعىن ەرەكشە بەلگىلەرى ارقىلى تانىعان. اياعىندا كۇيىكتەن قالعان تىرتىقتارى وڭاي تانۋعا كومەكتەسكەن.
قوراپتاعى سۋرەتتى البانيا ازاماتىنىڭ بالاسى بايقاپ قالعان. جابىرلەنۋشىنىڭ ءوز ايتۋىنا نازار سالساق، بۇل فوتو اۋرۋحانادا تۇسىرىلگەن بولۋى مۇمكىن. ويتكەنى، پروتەز ورناتۋ ماسەلەسى كەزىندە سۋرەتكە تۇسىرگەن ەكەن، كەسىلگەن اياقتىڭ ورىنىن.
جابىرلەنۋشىنىڭ ادۆوكاتى بۇل جاعدايدى كورىپ، قاتتى تاڭ قالعانىن ايتادى. جاعدايدى ءتۇسىندىرۋ تۋرالى ءوتىنىش حات جازىلىپ، ءبىرى اۋرۋحاناعا، ءبىرى ەۋروكوميسسياعا جولدانعان.
