عالىمداردىڭ پىكىرىنشە، جارتى عاسىر شيرەگىندە اقش پەن كانادا ەلىندەگى قۇستاردىڭ سانى 3 ميللياردقا قىسقارعان. ءقازىر بار بولعانى 2،9 ميلليارد قۇس تىرشىلىك ەتۋدە. ەندى جارتى عاسىردان كەيىن جەر بەتىنەن مۇلدە جوعالىپ كەتۋ ءقاۋپى بار كورىنەدى.

اقش-تىڭ Science جۋرنالىندا جارىق كورگەن ماقالانىڭ نەگىزىندە عالىمداردىڭ ءبىرازى مۇنىڭ باستى سەبەپتەرىنىڭ ءبىرى پەستيسيد  قولدانۋدان دەگەن انىقتاما بەردى. پەستيسيد دەگەنىمىز - اۋىلشارۋاشىلىعىن زياندى جاندىكتەردەن قورعاۋ ماقساتىندا قولدانىلاتىن ۋلى حيميكات.

ەكسەتەرا ۋنيۆەرسيتەتىنىڭ بيولوگ مامانى كيەۆين گاستون مۇنى «بۇل – تابيعاتتىڭ قۇردىمعا كەتۋى دەگەن ءسوز»، - دەپ باعامدادى.

قۇستاردىڭ جويىلۋىنا سەبەپكەر تاعى بار فاكتورلار: جابايى جانە ءۇي مىسىقتارى، قۇستاردىڭ بيىك عيماراتتارعا سوعىلۋى جانە قۋاتتى ەلەكتر سىمدارىنا كۇيىپ قالۋى سياقتى تاعى باسقا  جاعدايلار.

دەرەككوز: The New York Times