قانات يسلام باستاعان «QAZAQ promotions» پروموۋتەرلىك ۇيىمى «ەل-
نەسىبە» قايىرىمدىلىق قورى» قوعامدىق قورى ارقىلى 8 بالاسى بار
جالعىز باستى كوپبالالى اناعا 2 بولمەلى پاتەر سىيلادى.
پاتەر نۇر-سۇلتان قالاسىنىڭ وڭ جاعالاۋىندا سارىارقا اۋدانىندا
ورنالاسقان. سىيلانعان ءۇي كوپبالالى وتباسىعا ىڭعايلى بولۋى ءۇشىن
ىرگەسىندە ورنالاسقان مەكتەپ جانە بالاباقشانىڭ جاقىندىعىنا وراي
ارنايى تاڭدالدى. سونداي-اق، پاتەردىڭ ءىشى تۇرمىسقا قاجەتتى بارلىق
تەحنيكالارمەن، توسەك-ورىنمەن تولىق جابدىقتالعان.

پاتەردىڭ كىلتىن جالعىزباستى انا گۇلشات ءبايادىلوۆاعا قازاق كاسىپقوي
بوكسىنىڭ جارىق جۇلدىزى، WBO Inter-Continental چەمپيونى، قازاقتىڭ
قايسار ۇلى قانات يسلام ءوزى تاپسىردى. كوپبالالى وتباسى سوڭعى
سەكۋندتارعا دەيىن باسپانالى بولاتىنىن، ونىڭ كىلتىن قازاقتىڭ
ماقتانىشى قانات يسلام تاپسىراتىنىن بىلمەگەن. بارلىعى قۇپيا رەتىندە
ساقتالىپ، ومىردە كوپتەگەن قيىندىقتارعا كەزدەسىپ، مويىماعان اناعا توسىن
سىي جاساۋ ءۇشىن «ەل-نەسىبە» قايىرىمدىلىق قورى» قوعامدىق قورىنىڭ
وكىلدەرى ارنايى ۇيىمداستىرعان.

گۇلشات ءبايادىلوۆا– جالعىزباستى انا، «كۇمىس القا» يەگەرى. 8 بالانى
ومىرگە اكەلىپ، باعىپ، ەر جەتكىزگەن. بالاسىنىڭ الدى تۇرمىس قۇرىپ، جەكە
وتباسى بولىپ وتىر. ەكىنشى بالاسى ناۋقاس، قارجىنىڭ تاپشىلىعىنان
مەديسينالىق كومەك ۋاقىتىلى كورسەتىلمەگەندىكتەن، ناقتى دياگنوزى
انىقتالماعان. ءۇشىنشى بالاسى كوللەدج ستۋدەنتى، ال قالعان 5 بالاسى
مەكتەپ وقۋشىلارى. وسى ۋاقىتقا دەيىن جەر ءۇيدىڭ اياداي ءبىر بولمەسىن
پانالاپ كەلگەن. پاتەرگە تولەيتىن قاراجاتى بولماعاندىقتان، ءزاۋلىم
كوتتەدجدىڭ قىستا وتىن جاعىپ، جازدا كۇلىن توگىپ، اۋلانى تازالاپ، باسقا دا
جۇمىستار ىستەگەنى ءۇشىن تەگىن تۇرعان. «كلۋب دوبرياكوۆ» كومەك رەتىندە،
حولوديلنيك، توسەك، ديۆان، گاز پليتا اكەلىپ بەرگەن. وعان دەيىن جەرگە
جاتىپ جۇرگەن ەكەن.

باسپانانىڭ زاردابىن تارتىپ كەلگەن جانۇيا جاعدايى تۋرالى بىلگەن «ەل-
نەسىبە» قايىرىمدىلىق قورى» قوعامدىق قورىنىڭ وكىلدەرى جان-جاقتان
كومەك سۇراستىرا ءجۇرىپ، قازاقتىڭ جومارت پەيىلدى جاۋجۇرەك ۇلى قانات
يسلامعا وسى جايدى جەتكىزەدى. بىلعارى قولعاپ باتىرى پرەزيدەنتى
قاسىم-جومارت توقايەۆتىڭ تىكەلەي قولداۋىمەن 5-شىلدەدە الماتىدا
وتكەن «قانات يسلاممەن بوكس كەشى» اتتى شارادان جينالعان قارجىنىڭ ءبىر
بولىگىنە كوپ بالالى وتباسىعا باسپانا الىپ بەرۋدى ۇيعارعان.
انىقتاما: «ەل-نەسىبە» قايىرىمدىلىق قورى» قوعامدىق قورى
23.04.2019 جىلى تىركەلگەن. باستاۋىن 2017 جىلدىڭ 22 ناۋرىزىنان
«نۇرلى جۇرەك» ەرىكتىلەر قايىرىمدىلىق توبىنان الادى. وسى ۋاقىتقا
دەيىن 21 وتباسىعا قارجىلاي جانە ماتەريالدىق كومەك كورسەتىلدى.
ولاردىڭ ىشىندە 4 وتباسىعا كومەك تۇراقتى تۇردە كورسەتىلۋدە. قور تەك
نۇر-سۇلتان قالاسى عانا ەمەس، سەمەي، وسكەمەن، قاراعاندى، شىمكەنت
قالالارىندا دا مۇقتاجدارعا قولىن ۇشىن سوزۋدا. سەمەي قالالىق جايدارمان كۆن وداعىمەن «قايىرىمدىلىققا باعىتتالعان جوبا»، نۇر-
سۇلتان ق. اكىمدىگىنىڭ رۋحانيات كمم جۇيەلى تۇردە اي سايىن «مەيىرىمدى
قالا» قايىرىمدىلىق فۋتبولىن ۇيىمداستىرادى.

QAZAQ PROMOTIONS سپورتشىلاردى - جاڭادان باستاۋشىلاردى دا،
كاسىپقويلاردى دا جارنامالاۋمەن؛ ءارتۇرلى كاتەگوريالار مەن
دەڭگەيلەردەگى تۋرنيرلەرگە كۇرەسكەرلەردى ىرىكتەۋمەن اينالىسادى. تولىق
قولداۋىمەن بوكس جانە كيبەرسپورت بويىنشا ءىرى تۋرنيرلەر
ۇيىمداستىرادى.

QAZAQ Promotions - QPTVء-نىڭ باس سەرىكتەسى. QPTV - بۇل كەز-كەلگەن
گادجەتتەردەن، سونىڭ ىشىندە سمارت تەلەديداردان، ويىن كونسولدەرىنەن،
كومپيۋتەرلەردەن جانە ت. ب. سپورتتىق جانە كيبەر-سپورتتىق ونلاين
ترانسلياسيالاردى كورۋگە جاڭا مۇمكىندىك. Qptv ستريمينگتىك
پلاتفورماسى بۇكىل الەم بويىنشا، سونىڭ ىشىندە جۇڭگو حالىق
رەسپۋبليكاسىندا دا ءبىر ۋاقىتتا 200 ميلليوننان استام
پايدالانۋشىلاردى تاراتۋعا قابىلەتتى.