الماتى قالاسى اكىمدىگىنىڭ قولداۋىمەن اباي اتىنداعى قازاق ۇلتتىق پەدوگوگيكالىق ۋنيۆەرسيتەتىندە «رۋحاني جاڭعىرۋ» باعدارلاماسى مەن «جاستار جىلى» اياسىندا «تەكتى ءسوزدىڭ تورەسى – تەرمە» اتتى قالالىق بايقاۋ ءوتتى.

شارانىڭ ماقساتى – مەملەكەتتىك ءتىلدىڭ قولدانىلۋ اياسىن كەڭەيتۋ. تالانتتى جاستاردى  قولداۋ. جىر-تەرمە ۇلتتىق جانردى جاڭعىرتا وتىرىپ، قازاقتىڭ ۇلتتىق مادەنيەتى مەن ونەرىن دامىتۋ. سونداي-اق حالىق اراسىندا ۇلتتىق مۇرامىزعا جانە رۋحاني قۇندىلىقتارىمىزعا دەگەن قىزىعۋشىلىقتى  ارتتىرۋ.

بايقاۋعا 8 اۋداننىڭ اتىنان 24 قاتىسۋشى ب ا ق سىنادى. اتاپ ايتار بولساق، الاتاۋ اۋدانىنان بەكتۇرسىن قايراتبەك پەن شين دانيل، المالى اۋدانىنان ەرعايىپ باعجان پەن ابەنوۆ راشيد جانە داۋلىبايەۆ امانجول، اۋەزوۆ اۋدانىنان قوسانوۆ نۇربولات پەن ءنۇرالى ەسحات جانە بايتاق جاينار، بوستاندىق اۋدانىنان باقىتنۇر قازىرباي قىزى مەن قۇباشيەۆ بولاتبەك جانە حۋانوۆا اليدا، جەتىسۋ اۋدانىنان قازىكەن ۇلاس پەن سۇلتانوۆ اسحات جانە كوشتايەۆ بەكارىس، مەدەۋ اۋدانىنان امان مۇستافا مەن اسقار ۇلى قۋانىش جانە ارۋجان ءابىلتاي، ناۋرىزباي اۋدانىنان قانات بۇرلەن مەن داۋرەن العىسبەك جانە قايىرجانوۆا  گۇلباعىم، تۇركسىب اۋدانىنان شىنعالييەۆا داريا مەن ادىلبەك ۇلان جانە ءجۇسىپوۆ نۇرجان بولدى.

قاتىسۋشى ۇمىتكەرلەر وتان، ەل بىرلىگى، ماڭگىلىك ەل، ءتىل، جاستىق شاق، ءومىر تۋرالى، تۋعان جەر، قازاق ەلى تۋرالى جىر-تەرمەلەر ورىندادى.

 تىلەۋلەس قۇرمانعالييەۆ، تالعات ابۋعازين، نايمانتايەۆ الماس، قالىمبەت باقىت، سەيتقازى ەركەجان  سىندى ءادىلقازى مۇشەلەرى قاتىسۋشىلاردىڭ تەرمە ورىنداۋشىلىق شەبەرلىگىنە، داۋىس مانەرىنە، ءتىل تازالىعىنا، ءماتىندى تاڭداۋ تالعامىنا، ساحنادا ءوزىن-وزى ۇستاۋى مەن ساحنالىق كيىمىنە باعا بەردى.

بايقاۋ قورتىندىسى بويىنشا  وزگەلەردەن دارا كورىنگەن قايىرجانوۆا گۇلباعىم باس جۇلدەمەن (200 000 تەڭگە) ماراپاتتالسا، 1 ورىندى اسقار ۇلى قۋانىش (150 000 تەڭگە)، 2 ورىندى داۋرەن العىسبەك (100 000 تەڭگە)، 3 ورىندى ءجۇسىپوۆ نۇرجان (70 000 تەڭگە)  قانجىعاسىنا بايلادى. ال «عيبراتتى وي» نوميناسياسىنا ءنۇرالى ەسحات (35 000 تەڭگە)، «ءسوز زەرگەرى» نوميناسياسىنا حۋانوۆا اليدا (35 000 تەڭگە) يە بولدى. وق ويى وزا شاپقانداردىڭ قاتارىن كوشتايەۆ بەكارىس (30 000 تەڭگە) پەن داۋلىبايەۆ امانجول (30 000 تەڭگە) ىنتالاندىرۋ سىيلىعىمەن تولتىردى. ودان وزگە بەكتۇرسىن قايراتبەك، ەرعايىپ باعجان، ابەنوۆ راشيد، قوسانوۆ نۇربولات، بايتاق جايدار، باقىتنۇر قازىرباي قىزى، قۇباشيەۆ بولاتبەك، قازىكەن ۇلاس، امان مۇستافا، ارۋجان ءابىلتاي، شىنعالييەۆا داريعا، شين دانيال العىس  حاتتار يەلەندى.

ماراپاتتاۋ بارىسىندا ءداستۇرلىى ءانشى تىلەۋلەس قۇرمانعالييەۆ  دودانىڭ «تەكتى ءسوزدىڭ تورەسى – تەرمە» دەپ  اتالۋىنىڭ ءوزىن ەرەكشە ەكەندىگىن ايتتى. ءسوز بارىسىندا «بايگەگە وزا شاپقان دەپ العىسبەكتىڭ ورىنداۋىنداعى ىلە ماقامىن اتاي الامىن.

ال كەمشىلىكتەرگە توقتالسام، بۇگىنگى قاتىسۋشىلاردان اسا جىگەر مەن جالىندى كورە المادىم، كوبىنىڭ تەرمەدەن گورى انشىلىككە باسىم ەكەندىگى ورىنداۋ شەبەرلىگىندە بەلگىلى بولدى. تىپتەن، قارا شاڭىراق قۇرمانعازى اتىنداعى قازاق ۇلتتىق قونسەرۆاتورياسىندا كاسىبي تۇردە وقيتىن ستۋدەنتتەردىڭ وسال بولعاندىعى ءسال كوڭىلىمدى ءتۇسىردى.

بۇگىنگى قاتىسۋشىلاردىڭ باسىم كوپشىلىگى جىردىڭ ءسوزىن تولىق بىلمەيدى. ەكى قازاقتىڭ باسى قوسىلسا،  جانىبەك كارمەنوۆتىڭ تولعاۋىن ورىندايدى. ال سول شىعارمانىڭ ءسوزى قاتە ايتىلدى. ياعني ورىنداۋشى ءزاپيستى تىڭداۋ ارقىلى ۇيرەنىپ، ءتۇپ نۇسقاسىنان قاراماعان دەگەن ءسوز. بولاشاقتا ەسكەرسەڭىزدەر» – دەپ، ويىن تۇيىندەدى.

تەرمە اتاۋى قازاقتىڭ «تەر»، «تەرۋ» سوزىنەن شىققان. ءاننىڭ اۋەنى بولسا، تەرمەنىڭ وزىنە ءتان ماقامى بار. دوداداعى جاڭالىق – ءىلى قازاقتارىنىڭ ىشىندە تەرمەنىڭ مۇراگەرى اتانعان ماعاۋيا بايمۇحامەد ۇلىنىڭ «جايلاۋىم مەنىڭ ءجانناتىم» تەرمەسى مەن قازاق ونەرىن سول ەلدە ناسيحاتتاعان ماسابايدىڭ «اۋمالى دۇنيە» اتتى شىعارمالارىنىڭ ورىندالۋى.

الماتى قالاسىن اكىمدىگىنىڭ اپپاراتى «تىلدەردى دامىتۋ جانە لاتىن گرافيكاسىنا كوشۋ ورتالىعىنىڭ ۇيىمداستىرۋىمەن وتكەن جىر-تەرمەشىلەر بايقاۋىندا قازاقتىڭ ۇلتتىق قۇندىلىعىنىڭ ءبىرى – تەرمە جانرى تاعى ءبىر مارتە قايتا جاڭعىردى. ۇلتتىڭ بولمىسى داستۇرىمەن جالعاسادى.