ماۋسىم ايىندا قازاقستانداعى پرەزيدەنت سايلاۋى قارساڭىندا بەلسەندىلىگىمەن كوزگە ءتۇسىپ، كەيىن ءىس-تۇسسىز جوعالىپ كەتكەن اكتەر ءانۋار نۇرپەيىسوۆ 14 قازان كۇنى You Tube-تاعى جەكە ارناسىنا ۆيدەو جۇكتەگەن بولاتىن. 12 مينۋتتىق بەينەروليكتە اكتەر شري-لانكا مەملەكەتىندە تۋريزم سالاسىندا ەڭبەك ەتۋدى باستاعانىن جايلى مالىمدەمە جاساعان.
الايدا پرەزيدەنتتىك سايلاۋدان كەيىنگى ءتورت ايدا قايدا جۇرگەنىن جانە نەمەن اينالىسقانى تۋرالى ايتپاعان بولاتىن.
اكتەرمەن جاقىن ارالاسقان ارىپتەسى، «مەن وياندىم» جوباسىنا بىرگە قاتىسىپ، قولداۋ بىلدىرگەن اكتريسا ايسۇلۋ ازىمبايەۆا: «ءبىز ونىمەن شري-لانكاعا كەتەردەن ءۇش كۇن بۇرىن كەزدەستىك. بۇل شامامەن ەكى اپتا بۇرىن بولاتىن. نەگىزى كوكتەمدە ول ەلدەن كەتكىسى كەلەتىنىن ايتقان. اركىمنىڭ ءوز تاڭداۋى بار. سوندىقتان مەن ونى قولدادىم. وكىنىشتىسى، ول – ەلدە وزگەرىس بولعانىن قالايتىنداردىڭ ىشىندە ويىن اشىق ايتقان جاستاردىڭ بىرەۋى ەدى. ءبىراق ءتيىستى ورگاندار ونى دۇرىس تۇسىنگەن جوق. اتا-اناسى قازاقستاندا، ءوزى ۇيلەنبەگەن. مەن ونىمەن وتە جاقىن ارالاستىم، ءبىراق ول قاندايدا ءبىر ساياسي تاپسىرمالار ورىندادى دەگەن ايىپتاۋلارعا سەنبەيمىن»، – دەپ ءوز پىكىرىن ءبىلدىردى. بۇل تۋرالى ازاتتىق رۋحى جۋرناليستىنە بەرگەن سۇحباتىندا مالىمدەگەن.
اكتريسانىڭ سوزىنشە، ءانۋار نۇرپەيىسوۆ شري-لانكاعا ەكى اپتا بۇرىن عانا كەتكەن. ال ءتورت ايدا قايدا بولعانىن جانە نەمەن اينالىسقانى جونىندە ءوزىنىڭ دە بىلمەيتىنىن جەتكىزدى.
وقي وتىرىڭىز:
♦ سايلاۋ قارساڭىندا "جوعالىپ كەتكەن" اكتەر شري-لانكادان سالەم جولدادى (ۆيدەو)
پىكىر قالدىرۋ