قازاقستان پرەزيدەنتى قاسىم-جومارت توقايەۆ لاتۆيا، بولگاريا مەن جۇڭگو ەلشىلەرىن تاعايىندادى دەپ حابارلايدى Qamshy.kz اقپارات اگەنتتىگى اقوردا سايتىنا سىلتەمە جاساپ.
"مەملەكەت باسشىسىنىڭ جارلىعىمەن تيمۋر ۆلاديمير ۇلى پىرىمبەتوۆ قازاقستان رەسپۋبليكاسىنىڭ لاتۆيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى".
"مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ ليتۆا رەسپۋبليكاسىنداعى توتەنشە جانە وكىلەتتى ەلشىسى ۆيكتور ۆالەريي ۇلى تەمىربايەۆ قازاقستان رەسپۋبليكاسىنىڭ لاتۆيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى".
"مەملەكەت باسشىسىنىڭ جارلىعىمەن تەمىرتاي رىمتاي ۇلى ءىزباستين قازاقستان رەسپۋبليكاسىنىڭ بولگاريا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى".
"مەملەكەت باسشىسىنىڭ جارلىعىمەن عابيت بەيبىت ۇلى قويشىبايەۆ قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى".
پىكىر قالدىرۋ