قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنىڭ ۇيعارىمى بويىنشا تۇركىستان وبلىسىنىڭ جەتىساي  اۋدانىنداعى ءتورت ءبىلىم ورداسىنا قازاقتىڭ ۇلى تۇلعالارىنىڭ ەسىمى بەرىلدى. سونىمەن..

قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكا كوميسسياسى
15.11.2019 جىلى تۇركىستان وبلىسى، جەتىساي اۋدانى بويىنشا شەشىمدەر قابىلدادى:
1.جەتىساي اۋدانى ءبىلىم ءبولىمىنىڭ «№8 جالپى ورتا مەكتەبى» كوممۋنالدىق مەملەكەتتىك مەكەمەسىنە – الپامىس باتىر ەسىمىن بەرۋ؛
2.جەتىساي اۋدانى ءبىلىم ءبولىمىنىڭ «№28 جالپى ورتا مەكتەبى» كوممۋنالدىق مەملەكەتتىك مەكەمەسىنە – حيۋاز دوسپانوۆا ەسىمىن بەرۋ؛
3. جەتىساي اۋدانى ءبىلىم ءبولىمىنىڭ «گ.تيتوۆ اتىنداعى №54 جالپى ورتا مەكتەبى» كوممۋنالدىق مەملەكەتتىك مەكەمەسىن – ءىلياس ەسەنبەرلين ەسىمىنە وزگەرتۋ؛
4.جەتىساي اۋدانى ءبىلىم ءبولىمىنىڭ «ا.چەحوۆ اتىنداعى №62 جالپى ورتا مەكتەبى» كوممۋنالدىق مەملەكەتتىك مەكەمەسىن – كەنەسارى حان ەسىمىنە وزگەرتۋ؛

ەرەكشە اتاپ وتەر جايت، جەتىساي اۋدانىنا ەسىمى بەلگىلى كاسىپكەر، مەسەنات باۋىرجان وڭعاربايەۆ №8 ءبىلىم ورداسىنا الپامىس باتىردىڭ ەسىمىن بەرۋگە بايلانىستى كوپ ەڭبەك ءسىڭىردى. وزات وقۋشىلارعا الپامىس باتىر اتىنداعى ستيپەنديا تاعايىندادى. مەكتەپتى گۇلدەندىرۋگە، كوركەيتۋگە اتسالىستى. ەلباسىنىڭ جارلىعىمەن «ەرەن ەڭبەگى ءۇشىن» مەدالىن العان باۋىرجان وڭعاربايەۆ ءقازىر دە اۋدان كولەمىندە كوپ ىسكە ۇيىتقى بولىپ ءجۇر. الاش ارداقتىسى سۇلتانبەك قوجانوۆتىڭ ەسىمىن ماڭگىلىككە قالدىرۋ ماقساتىندا ول ۇلت ءۇشىن ۇلكەن جۇمىستار تىندىردى.

ەندى مىنە ەكى جىلدان استام ۋاقىتتان كەيىن  №8 مەكتەپكە الپامىس باتىردىڭ ەسىمى بەرىلدى. «الپامىس باتىر» اتىنداعى رەسپۋبليكالىق قوردىڭ ءتوراعاسى رەتىندە  ول  ءالى دە تالاي ۇلت ءۇشىن جاسالاتىن ۇلى ىستەردىڭ باسى-قاسىندا جۇرەتىنىنە ءبىزدىڭ سەنىمىمىز مول.