جۋىردا وبلىس اكىمدىگىنىڭ كونفەرەنس-زالىندا ماڭعىستاۋ وبلىسى اكىمىنىڭ ورىنباسارى ر.ءامىرجانوۆتىڭ قاتىسۋىمەن باسپا ءسوز كونفەرەنسياسى ءوتتى. جيىن تاقىرىبى جۋىردا وتەتىن يران ىسكەر توپ وكىلدەرىنىڭ ساۋدا كورمەسى جونىندە بولدى. يران يسلام رەسپۋبليكاسىنىڭ اقتاۋ قالاسىنداعى باس كونسۋلى ماحمۋد ءاديبتىڭ مالىمدەۋىنشە، حالىقارالىق كورمە ەكى ەل اراسىنداعى ءوزارا ءتيىمدى ساۋدا-ەكونوميكالىق سەرىكتەستىكتى دامىتۋعا جاڭا سەرپىن بەرمەك.

وبلىستىڭ يران مەملەكەتىمەن ارا­داعى ساۋدا اينالىمى 36 ملن. اقش دوللارىن قۇرايدى.  مۇناي ءوندىرىسى، ماشينا جاساۋ ونەركاسىبى، قۇرىلىس جانە اۋىل شارۋاشىلىعى سالاسىنىڭ 50-گە جۋىق ەڭ ءىرى كومپانيالارى ايماقتا تىعىز ىسكەرلىك قارىم-قاتىناس ورناتۋدى كوزدەپ وتىر.  شىلدە ايىنىڭ 21ء-ى مەن 24ء-ى ارالىعىندا  «نۇر پلازا» قوناق ۇيىندە كورمە ۇيىمداستىرى­لادى. كورمەگە يران مەملەكەتىنىڭ «يران حۋدرو»، «كاللە» سىندى ءىرى قۇرىلىس كومپانيالارى ونىمدەرى قويىلماق. ءارى يران ىسكەر وكىلدەرى مەن جەرگىلىكتى كاسىپكەرلەر اراسىندا بيزنەس-فورۋم وتەدى دەپ جوسپارلانعان. 

سونىمەن قاتار، باسقوسۋ بارىسىندا ر.ءامىرجانوۆ قازاقستان اۋماعىنداعى ءتور­ءتىنشى مۇناي وڭدەۋ زاۋىتىن سالۋ جايلى ءسوز قوزعادى. ەلىمىزدە اتىراۋ، پاۆلودار جانە وڭتۇستىك قازاقستان وبلىستارىندا ءۇش مۇناي وڭدەۋ زاۋىتى قارقىندى جۇمىس جاسايدى. دەگەنمەن، ولاردىڭ مۇناي ونىمدەرى ىشكى نارىعىن تۇراقتاندىرۋعا، تولىققاندى قامتاماسىز ەتۋگە قۋاتى جەتكىلىكسىز. وبلىس اكىمىنىڭ ورىنباسارى مۇناي وڭدەۋ زاۋىتىن ماڭعىستاۋدا سالۋدىڭ ءتيىمدى تۇستارىنا توقتالدى.

– ءوڭىر بويىنشا جىلىنا 18 ملن. تونناعا جۋىق مۇناي وندىرىلەدى. سونىمەن قاتار، اقتاۋ جانە قۇرىق تەڭىز پورتى ارقىلى سىرتقى نارىققا شىعارۋ مۇمكىندىگى بولادى. اعىمداعى جىلدىڭ اياعىنا دەيىن ءوڭىر باسشىلىعى زاۋىت قۇرىلىسى تۋرالى قۇجاتقا قول قويماق،- دەدى ول.
جاڭا جوباعا قاتىستى يران مەملەكەتى دە زور قىزىعۋشىلىق تانىتۋدا.

– مۇناي وڭدەۋ زاۋىتىن سالۋدا يران مەملەكەتى ءوز تاجىريبەسىمەن ءبولىستى. يرانعا مۇ­ناي ونىمدەرىنىڭ 40%-ى شەتتەن تاسىمالدانادى. ماڭعىستاۋدا وڭدەلگەن مۇناي ونىمدەرى يراننىڭ سولتۇستىگىندەگى تەڭىز پورتتارىنا باعىتتالادى. يران مۇناي مينيسترلىگىمەن ءبىرقاتار رەسمي كەلىسسوزدەر جۇرگىزدىك. جوبانى قارجىلاندىرۋعا ءىرى كومپانيالار قىزىعۋشىلىق تانىتۋدا ،– دەپ الداعى جۇمىس جوسپارىمەن ءبولىستى.  

اقپارات كوزى: مangmedia.kz.