مۇنايلى اۋدانى اكىمىنىڭ 2015 جىلدىڭ
Ι جارتىجىلدىعىنداعى اۋداننىڭ الەۋمەتتىك - ەكونوميكالىق دامۋى تۋرالى ەسەبى
قازاقستان رەسپۋبليكاسى پرەزيدەنتىنىڭ «اكىمدەردىڭ ءماسليحاتتار الدىندا ەسەپ بەرۋىن وتكىزۋ تۋرالى» جارلىعىنا سايكەس، وزدەرىڭىزگە 2015 جىلدىڭ 1 جارتىجىلدىعىندا اۋداندا جاسالعان جۇمىستار مەن الدا تۇرعان مىندەتتەر تۋرالى ەسەبىم!
2015 جىلعى اۋداننىڭ الەۋمەتتىك-ەكونوميكالىق دامۋى بويىنشا جۇمىس ەلباسىنىڭ جولداۋدا بەرگەن تاپسىرمالارىن، ۇكىمەتتىڭ، وبلىس اكىمىنىڭ تاپسىرمالارىن جانە مەملەكەتتىك باعدارلامالاردى ورىنداۋعا باعىتتالۋدا.
2015 جىلدىڭ ءى جارتىجىلدىعىندا اۋدان اكىمدىگىنە 516 ارىز كەلىپ ءتۇستى، سونىڭ ىشىندە 60-ى زاڭدى جانە456-ى جەكە تۇلعالاردان. اۋدان اكىمىنىڭ جەكە بلوگىنا 11 ارىز كەلىپ تۇسكەن. بارلىق ارىزدارعا جاۋاپتار زاڭ تالاپتارىنا ساي ۋاقىتىندا بەرىلدى. سونىمەن بىرگە، 2015 جىلدىڭ 6 ايى ىشىندە 120 ادام اۋدان اكىمىنىڭ جەكە قابىلداۋىندا بولدى.
2015 جىلدىڭ ەسەپتى كەزەڭىنە 77 مەملەكەتتىك قىزمەت ءتۇرى بويىنشا كورسەتىلگەن مەملەكەتتىك قىزمەتتىڭ سانى – 27 834، ونىڭ ىشىندە حقكو جانە ەلەكتروندىق ۇكىمەت پورتالى ارقىلى – 4 286، ال مەملەكەتتىك ورگاندا كورسەتىلگەن مەملەكەتتىك قىزمەتتەردىڭ سانى - 23 548.
2015 جىلدىڭ 1ء-شى جارتىجىلدىعىنىڭ قورىتىندىسى بويىنشا حالىق سانى 132 مىڭ ادامدى قۇراپ، وتكەن جىلدىڭ ءتيىستى كەزەڭىمەن سالىستىرعاندا 8،3 مىڭ ادامعا وسكەن (01.07.2014 ج.- 123،7 مىڭ ادام).
- ونەركاسىپ ونىمدەرىنىڭ ءوندىرىس كولەمى 29 228،8 ملن. تەڭگەنى قۇراپ، وتكەن جىلمەن سالىستىرعاندا5 921،9 ملن.كوبەيگەن؛(01.07.2014 ج. – 23 306،9 ملن. تەڭگە)؛
- نەگىزگى كاپيتالعا سالىنعان ينۆەستيسيا كولەمى 13 102،8 ملن. تەڭگەنى قۇراپ، وتكەن جىلمەن سالىستىرعاندا 3 677،4 ملن. تەڭگەگە كوبەيگەن.(01.07.2014 ج. – 9 425،4 ملن. تەڭگە)؛
- جالپى كولەمى 56،1 مىڭ شارشى مەتر تۇرعىن ءۇي ىسكە قوسىلدى. (01.07.2014 ج. – 71،0 مىڭ شارشى مەتر.)؛
- اۋداندا 4 746 شاعىن كاسىپكەرلىك سۋبەكتىسى تىركەلگەن، ول 2014 جىلدىڭ ءتيىستى كەزەڭىمەن سالىستىرعاندا 656-عا ءوسىپ وتىر. (01.07.2014 ج. – 4 090 سۋبەكتى)؛
- شاعىن كاسىپكەرلىكتە جۇمىسپەن قامتىلعانداردىڭ سانى 5 516 ادامدى قۇراپ، 2014 جىلدىڭ ءتيىستى كەزەڭىمەن سالىستىرعاندا 633 ادامعا وسكەن (01.07.2014 ج. – 4 883 ادام)؛
- بارلىق ەكونوميكالىق قىزمەت تۇرلەرى بويىنشا ورتاشا جالاقى 127 030 تەڭگەنى قۇرادى نەمەسە 2014 جىلدىڭ ەسەپتى كەزەڭىمەن سالىستىرعاندا 0،4%-عا ازايدى (01.07.2014 ج. - 127 598 تەڭگە)؛
- جىل باسىنان بەرى 742 جاڭا جۇمىس ورىندارى قۇرىلدى، وتكەن جىلدىڭ ءتيىستى كەزەڭىمەن سالىستىرعاندا 52 - گە كوبەيگەن (01.07.2014 ج. – 690 جۇمىس ورىن)؛
- حالىقتىڭ ەكونوميكالىق بەلسەندى توبىنىڭ قۇرامىنا جۇمىسسىزدىق بويىنشا تىركەلگەن ادامداردىڭ جالپى قۇرامى 0،4% قۇراپ، وتكەن جىلمەن سالىستىرعاندا ءبىرقالىپتى جاعدايدا.
- جەرگىلىكتى بيۋدجەتكە سالىقتار جانە باسقا دا تولەمدەر تۇسىمدەرىنىڭ ورىندالىسى 2 082 ،6 ملن. تەڭگەنى قۇرادى، وتكەن جىلمەن سالىستىرعاندا اۋدان بيۋدجەتىنىڭ كىرىستەرى 107،8 ملن. تەڭگەگە ارتىق ورىندالىپ وتىر. (01.07.2014 ج. - 1 974،8 ملن.تەڭگە)؛
- بيۋدجەتتىڭ شىعىستار بولىگى 10 579،5 ملن.تەڭگەنى قۇرايدى، ونىڭ ىشىندە جەرگىلىكتى بيۋدجەت – 7 141،2 ملن.تەڭگە، رەسپۋبليكالىق بيۋدجەت – 3 438،3 ملن.تەڭگە. اعىمداعى جىلدىڭ 1 شىلدە جاعدايىنا اۋدان بيۋدجەتىنىڭ شىعىستار بولىگىنىڭ يگەرىلۋى 5 128،2،0 ملن.تەڭگەنى، نەمەسە 95،7% قۇرادى.
ءبىلىم سالاسى. اۋداندا 11 جالپى ءبىلىم بەرۋ مەكتەبى، 1 – ليسەي، 9 – مەملەكەتتىك بالاباقشا، 4 - مەكتەپ جانىنان اشىلعان شاعىن ورتالىقتار جانە 13 جەكەمەنشىك مەكتەپكە دەيىنگى بالالار مەكەمەسى، 1 – ۇيلەستىرۋ ورتالىعى، 1-وقۋشىلار ورتالىعى، 1-ونەر مەكتەبى جانە 6- اۋلا كلۋبتارى جۇمىسىن جۇرگىزۋدە. اۋدان مەكتەپتەرىندە 18 280 بالا ءبىلىم الادى.
2015 جىلى ءبىلىم بەرۋ سالاسىنا 6 155،5 ملن.تەڭگە ءبولىندى، (2014 ج. – 5 438،1 ملن.تەڭگە) بۇل بارلىق اۋدان بيۋدجەتىنىڭ 60 پايىزىن قۇراپ وتىر.
اۋدان مەكتەپتەرىندە وقۋشىلار ورنىنىڭ جەتىسپەۋ سالدارىنان اتامەكەن جانە باسقۇدىق اۋىلدىق وكرۋگتەرىنەن اقتاۋ قالاسىنا 2 528 بالا (اتامەكەن-2281، باسقۇدىق-247) تاسىمالدانىپ وقىتىلۋدا. وسىعان وراي، باسقۇدىق اۋىلدىق وكرۋگىنەن ماڭعىستاۋ اۋىلىنداعى №11 ورتا مەكتەپكە 804 وقۋشىنى، باتىر اۋىلىنىڭ شالعاي ورنالاسقان ەلدى مەكەندەرىنەن وسى اۋىلداعى №10 ورتا مەكتەپكە 316 وقۋشىنى تاسىمالداۋ ۇيىمداستىرىلعان. وسى ماسەلەلەردى شەشۋ ءۇشىن، اتامەكەن اۋىلىنداعى 640 ورىندىق جانە باسقۇدىق اۋىلىنداعى 960 ورىندىق ورتا مەكتەپ عيماراتتارىنا قوسىمشا 320 ورىندىق مەكتەپ، باسقۇدىق، قىزىلتوبە اۋىلدىق وكرۋگتەرىنەن 600 ورىندىق مەكتەپ قۇرىلىستارىنىڭ جسق-سى جاساقتالۋدا. قازىرگى تاڭدا باسقۇدىق اۋىلىنداعى 600 ورىندىق ورتا مەكتەپ قۇرىلىسىنىڭ مەملەكەتتىك ساراپتاما قورىتىندىسى الىنىپ، 2016-2018 جىلدارى رەسپۋبليكالىق بيۋدجەتتەن قارجىلاندىرىلاتىن ينۆەستيسيالىق جوبالار تىزىمىنە ەنگىزىلدى.
سونىمەن قاتار، اعىمداعى جىلى رەسپۋبليكالىق بيۋدجەتتەن تولىقتاي قارجىسى بولىنگەن جاعدايدا اتامەكەن اۋىلدىق وكرۋگىنەن 1200 ورىندىق مەكتەپ قۇرىلىسىن اياقتاۋ جوسپارلانىپ وتىر.
«بالاپان» باعدارلاماسى بويىنشا اۋدانداعى 3-6 جاس ارالىعىنداعى 11 713 بالانىڭ 6927ء-سى مەكتەپكە دەيىنگى تاربيە جانە وقىتۋمەن قامتىلدى، قامتۋ ۇلەسى 59،1%، ولاردىڭ 47،5 پايىزى مەملەكەتتىك سەكتور، 11،6 پايىزى جەكەمەنشىك سەكتوردى قۇراپ وتىر.
اعىمداعى جىلى ماڭعىستاۋ-5 ەلدى مەكەنىنەن 280 ورىندىق مەملەكەتتىك بالاباقشا قولدانىسقا بەرىلدى، سونىمەن قاتار، داۋلەت اۋىلدىق وكرۋگىنەن 280 ورىندىق بالاباقشانىڭ قۇرىلىسى اياقتالدى، وسىنداي بالاباقشا اتامەكەن اۋىلدىق وكرۋگىنەن دە سالىنىپ، جۇمىسشى كوميسسياسىندا قارالۋدا. بۇدان باسقا شىلدە ايىندا 115 ورىندىق 2 جەكەمەنشىك بالاباقشا جۇمىسىن باستادى.
قازىرگى تاڭدا، قىزىلتوبە اۋىلدىق وكرۋگىنەن 280 ورىندىق، قىزىلتوبە-2، ماڭعىستاۋ-2 ەلدى مەكەندەرىنەن 140 ورىندىق بالاباقشا قۇرىلىستارىنىڭ مەملەكەتتىك ساراپتاما قورىتىندىسى دايىن جانە ماڭعىستاۋ-3 ەلدى مەكەنىنەن 140 ورىندىق بالاباقشا قۇرىلىسىنىڭ جسق-سى جاساقتالىپ، مەملەكەتتىك ساراپتامادا قارالۋدا.
2014-2015 وقۋ جىلدارىنداعى ۇلتتىق ءبىرىڭعاي تەستىلەۋدىڭ قورىتىندىسى بويىنشا اۋدان مەكتەپتەرىنىڭ ورتاشا بالى – 79،9 بولىپ، وبلىستىڭ قالا اۋداندار اراسىندا جوعارى (1ء-شى) ورىندى يەلەندى، 7 وقۋشى «التىن بەلگىگە»، 6 وقۋشى «ۇزدىك اتتەستاتقا» يە بولدى.
دەنساۋلىق ساقتاۋ سالاسىندا 13 مەديسينالىق مەكەمەلەر جۇمىس جاساۋدا، ونىڭ ىشىندە 1 – ورتالىق اۋرۋحانا، 1 – ورتالىق ەمحانا، 3 – باستاپقى مەديسينالىق سانيتارلىق كومەك كورسەتۋ ورتالىعى، 6 – دارىگەرلىك امبۋلاتوريا، 1 – جەدەل جاردەم جانە 1 – تۋبديسپانسەر بار.
دەنساۋلىق ساقتاۋ سالاسىندا مەديسينالىق قىزمەت ساپاسىن جەتىلدىرۋ جانە تۇرعىنداردىڭ دەنساۋلىعىن جاقسارتۋ شارالارى تۇراقتى تۇردە جۇرگىزىلىپ، باقىلانۋدا. 2015 جىلدىڭ 6 ايىندا 2006 بالا دۇنيەگە كەلدى، ول وتكەن جىلمەن سالىستىرعاندا 21 بالاعا ازايىپ وتىر (2014 ج. 6 ايى - 2027 بالا). ەسەپتى كەزەڭدە 1-جاسقا دەيىنگى 31 ءسابي ءولىمى تىركەلىپ، كورسەتكىش تۋىلعان 1000 سابيگە شاققاندا 15،4 ءپروميلدى قۇرادى (2014 ج. 6 ايى – 9،4 پروميل).
تۋبەركۋلەز اۋرۋىمەن اۋىراتىندار سانى 51 ادامدى قۇراپ، كورسەتكىش 100 مىڭ تۇرعىنعا شاققاندا 40،9 ءپروميلدى قۇرادى (2014 ج. 6 ايى – 37،8 پروميل).
ماڭعىستاۋ اۋىلىنان الەۋمەتتىك سالا ماماندارىنا ارنالعان 100 ورىندىق جاتاقحانا قۇرىلىسىنىڭ جوبالىق سمەتالىق قۇجاتتارى جاساقتالىپ، مەملەكەتتىك ساراپتاما قورىتىندىسى الىندى. جوبانىڭ جالپى قۇنى 912،2 ملن. تەڭگەنى قۇراپ وتىر. اتالعان جوبانى قارجىلاندىرۋعا وبلىس اكىمدىگىنە ۇسىنىس جولداندى.
باتىر اۋىلدىق وكرۋگىندە اۋىسىمىنا 40 ادامدى قابىلدايتىن دارىگەرلىك امبۋلاتوريا قۇرىلىسى اياقتالىپ، پايدالانۋعا بەرىلۋدە.
ەلباسىمىز ن.ءا.نازاربايەۆتىڭ جاريالاعان بەس ينستيتۋسيونالدىق رەفورماسىن جۇزەگە اسىرۋدىڭ «100 ناقتى قادامى» ۇلت جوسپارىندا كورسەتىلگەندەي اۋدان تۇرعىندارىنا كورسەتىلەتىن مەديسينالىق قىزمەت ساپاسى مەن قولجەتىمدىلىكتى جۇزەگە اسىرۋ تۇراقتى باقىلاۋدا بولادى.
مادەنيەت جانە سپورت سالاسى بويىنشا 2015 جىلدىڭ 6 ايىنىڭ ىشىندە اۋدان كولەمىندە قازاقستان رەسپۋبليكاسىنىڭ مەملەكەتتىك مەرەكەلەرى مەن اتاۋلى كۇندەرگە ورايلاستىرىلعان 28 مادەني، 55 سپورتتىق شارالار ۇيىمداستىرىلىپ، وعان 3 119 سپورتشى، 19 460 كورەرمەن جانە 1 448 ونەرپاز قاتىستى.
اعىمداعى جىلى جەر قويناۋىن پايدالانۋشى كومپانيا ەسەبىنەن باسقۇدىق اۋىلدىق وكرۋگىنەن سپورت زال قۇرىلىسى اياقتالىپ، پايدالانۋعا بەرىلدى. بۇگىنگى كۇنى سپورت مەكتەبىندە سپورتتىڭ 10 تۇرىنەن 36 تاپتا 560 وقۋشى جاتتىعۋدا. اتامەكەن اۋىلدىق وكرۋگىنەن 2 سپورت زال قۇرىلىسىنىڭ جسق-سى، ماڭعىستاۋ اۋىلىنان 160 كورەرمەنگە ارنالعان دەنەشىنىقتىرۋ-ساۋىقتىرۋ كەشەنى قۇرىلىسىنىڭ جسق-سى جاساقتالىپ، مەملەكەتتىك ساراپتامادا قارالۋدا.
ماڭعىستاۋ اۋىلىنان كىتاپحاناسىمەن بىرگە 500 ورىندىق مادەنيەت ءۇيى قۇرىلىسىنىڭ جسق-نىڭ قورىتىندىسى الىنىپ، جەر قويناۋىن پايدالانۋشى كومپانيالار قارجىسى ەسەبىنەن ىسكە اسىرۋعا ۇسىنىلدى. اتامەكەن، باسقۇدىق، داۋلەت اۋىلدىق وكرۋگىنەن كىتاپحاناسىمەن بىرگە 200 ورىندىق اۋىل كلۋبى قۇرىلىستارىنىڭ مەملەكەتتىك ساراپتاما قورىتىندىسى الىنىپ، قۇجاتتارى وبلىستىق بيۋدجەتتەن قارجىلاندىرۋعا ۇسىنىلدى.
الەۋمەتتىك قولداۋ سالاسى مۇنايلى اۋدانى ءماسليحاتىنىڭ شەشىمىنە سايكەس، تابىسى ەسەپتەلىپ ومىرلىك قيىن جاعدايداعى 82 ادامعا 1165،0 مىڭ تەڭگە، ارناۋلى تۋبەركۋلەزگە قارسى مەديسينالىق مەكەمەلەردەن شىعارىلعان 42 ادامعا 2081،1 مىڭ تەڭگە كولەمىندە الەۋمەتتىك كومەك تولەندى. بۇل كومەك «100 ناقتى قادام» - ۇلت جوسپارىندا اتاپ كورسەتىلگەندەي الەۋمەتتىك كومەككە شىن ءزارۋ ازاماتتارعا عانا تولەنىپ كەلەدى.
9 مامىر - ۇلى وتان سوعىسىنداعى جەڭىستىڭ 70 جىلدىعىنا وراي - 314 ادامعا وبلىستىق بيۋدجەتتەن 28 898 مىڭ تەڭگە جانە رەسپۋبليكالىق بيۋدجەتتەن 113 ادامعا 3 050 مىڭ مىڭ تەڭگە،. ونىڭ ىشىندە ۇلى وتان سوعىسىنا قاتىسۋشى 3 ادامعا 594،6 مىڭ تەڭگە الەۋمەتتىك كومەك تولەندى.
سونىمەن قاتار، جوعارى وقۋ ورىندارىندا وقىپ جاتىرعان اكىم گرانتى يەگەرلەرىنە، ياعني 72 ستۋدەنتكە جانە تابىسى ەسەپتەلىپ ومىرلىك قيىن جاعداي تۋىنداعان كەزدەگى الەۋمەتتىك كومەككە مۇقتاج 14 ستۋدەنتكە وقۋ اقىسى، سونداي-اق، اي سايىن 9 910 تەڭگە كولەمىندە شاكىرتاقى تولەنۋدە. 2015 جىلدىڭ 1ء-شى جارتىجىلدىعىندا اۋدان اۋماعىنداعى اۋىلدىق ەلدى مەكەندەرگە جۇمىس ىستەۋ جانە تۇرۋ ءۇشىن كەلگەن 184 الەۋمەتتىك سالا ماماندارىنا 25 528 مىڭ تەڭگە كولەمىندە ءبىرجولعى كوتەرمە جاردەم اقى، تۇرعىن ءۇي ساتىپ الۋ ءۇشىن 79 مامانعا 234 867 مىڭ تەڭگە بيۋدجەتتىك نەسيە بەرىلدى.
اۋىل شارۋاشىلىعى. قازىرگى تاڭدا، اۋدان بويىنشا مال باسى: ءىرى قارا مال – 1185، قوي- ەشكى 28742، جىلقى – 4965، تۇيە – 4706، شوشقا – 62، قۇس-11876 باس قۇرايدى.
اۋدان اۋماعىندا 182 شارۋا قوجالىعى قىزمەت كورسەتۋدە، ونىڭ ىشىندە: 150 مال شارۋاشىلىعى، 32 قوجالىق ەگىن شارۋاشىلىعىمەن اينالىسادى. اعىمداعى جىلى 227 گا. كوكونىس جانە باقشا داقىلدارى ەگىلدى. ونىڭ ىشىندە جىلىجايدا 6 گا.، اشىق توپىراقتا 221 گا. اعىمداعى جىلدىڭ ءبىرىنشى جارتى جىلدىعىندا 226 توننا ەت، 93،9 توننا ءسۇت، 482،8 مىڭ دانا تاۋىق جۇمىرتقاسى ءوندىرىلدى. 31 تاۋار وندىرۋشىگە 160،9 توننا امياك سەليتراسى 50% جەڭىلدىكپەن الىنىپ بەرىلدى.
اعىمداعى جىلى اۋداندا «مۇنايلى اۋداندىق ۆەتەريناريالىق ستانسياسى» مەملەكەتتىك مەكەمەسى قۇرىلىپ، 6 اۋىل، اۋىلدىق وكرۋگتەن ۆەتەريناريالىق پۋنكت اشىلىپ، 6 ۆەتەرينارلىق فەلدشەر مەن 6 سانيتار جۇمىس جاساۋدا. سونىمەن قاتار، اۋداندا تۇرعىندارىن قاڭعىباس يت تىستەۋدەن ساقتاۋ ماقساتىندا 6 بريگادا قۇرىلىپ، قاڭعىباس يتتەردى جويۋ باعىتىندا جۇمىس اتقارۋدا. وسى جۇمىستاردى ىسكە اسىرۋ ءۇشىن اۆتوكولىككە 6 تىركەمە جانە پنيەۆماتيكالىق قارۋلار ساتىپ الىندى. وسى جۇرگىزىلگەن جۇمىستار ناتيجەسىندە جىل باسىنان بەرى 1 264 باس يت اۋلاندى.
«جۇمىسپەن قامتۋ 2020 جول كارتاسى» باعدارلاماسىنىڭ «ينفراقۇرىلىمدى جانە تۇرعىن ۇي-كوممۋنالدىق شارۋاشىلىقتى دامىتۋ ارقىلى جۇمىسپەن قامتۋدى قامتاماسىز ەتۋ» ءبىرىنشى باعىتى بويىنشا2015 جىلى 10 جوبانى (قىزىلتوبە، داۋلەت اۋىلدارىنداعى 4،2 شاقىرىم اۆتوموبيل جولدارىن ورتاشا جوندەۋ، بالالار الاڭدارى مەن سپورت الاڭدارىن جاساقتاۋ، جاياۋ جۇرگىنشىلەر جولىن سالۋ جانە تاعى باسقا جۇمىستار) ىسكە اسىرۋعا 182،6 ملن. تەڭگە ءبولىنىپ، جۇمىستارى باستالىپ كەتتى. اتالعان باعدارلامانى ىسكە اسىرۋ بارىسىندا بارلىعى 63 ادامدى جۇمىسپەن قامتۋ، ونىڭ ىشىندە 33ء-ى جۇمىسپەن قامتۋ ورتالىعى ەسەبىنەن جوسپارلانىپ، ناقتى 37 ادام جۇمىسقا ورنالاستى.
باعدارلامانىڭ «كاسىپكەرلىكتى دامىتۋ ارقىلى: جەكە كاسىپكەرلىك باستامانى قولداۋ؛ تىرەك اۋىلداردى كەشەندى دامىتۋ ارقىلى جۇمىس ورىندارىن قۇرۋ» ەكىنشى باعىتى اياسىندا2015 جىلى15 ادامدى كاسىپكەرلىك نەگىزدەرى كۋرسىنا وقىتۋ جوسپارلانىپ، شىلدە ايىنان باستاپ كۋرستارعا جولدانۋدا.
«اۋىل شارۋاشىلىعىن قارجىلاي قولداۋ قورى» اق ارقىلى 17 ادامعا جەكە كاسىپتەرىن اشۋعا 46،0 ملن. تەڭگە نەسيە بەرىلدى.
باعدارلامانىڭ «جۇمىس بەرۋشىنىڭ قاجەتتىلىگى شەڭبەرىندە وقىتۋ جانە قونىس اۋدارۋ ارقىلى جۇمىسقا ورنالاسۋعا جاردەمدەسۋ؛ جۇمىس بەرۋشىنىڭ قاجەتتىلىگى شەڭبەرىندە ەڭبەك رەسۋرستارىنىڭ ۇتقىرلىعىن ارتتىرۋ» ءۇشىنشى باعىتى اياسىندا 2015 جىلدىڭ 1 جارتىجىلدىعىندا جاستار ىس-تاجىريبەسىنە 35 ادام 21 مەكەمەگە جۇمىسقا جولدانىپ، 2 ملن. تەڭگە يگەرىلدى جانە الەۋمەتتىك جۇمىس ورىندارى ارقىلى 44 ادام 10 مەكەمەگە جۇمىسقا جولدانىپ، 1، 5 ملن.تەڭگە يگەرىلدى. جۇمىسپەن قامتۋ ورتالىعى ارقىلى 223 ادام تۇراقتى جۇمىسقا جولداندى.
وڭىرلەردى دامىتۋدىڭ 2020 جىلعا دەيىنگى باعدارلاماسى بويىنشا حالىق ءۇشىن تۇرعىن ءۇي قولجەتىمدىلىگىن ودان ءارى ارتتىرۋ ماقساتىنداماڭعىستاۋ اۋىلىنان 24 پاتەرلىك 30 تۇرعىن ءۇي قۇرىلىسىنىڭ جانە باتىر اۋىلىنان 4 پاتەرلىك 40 جالدامالى تۇرعىن ءۇي قۇرىلىسىنىڭ جسق جاساقتالۋدا.
قازىرگى تاڭدا اتالعان باعدارلاما اياسىندا ماڭعىستاۋ اۋىلىندا 24-پاتەرلىك 4 قاباتتى 10 جالدامالى تۇرعىن ءۇي قۇرىلىسىنىڭ (جالپى قۇنى 1 451 ملن. تەڭگە) جانە باتىر اۋىلىنىڭ ەمىر ەلدى مەكەنىنەن 4-پاتەرلىك 20 تۇرعىن ءۇي قۇرىلىسىنىڭ (جالپى قۇنى 506،4 ملن. تەڭگە) مەملەكەتتىك ساراپتاما قورىتىندىسى الىنىپ، قارجىلاندىرۋعا ۇسىنىلدى.
حالىقتى اۋىز سۋمەن جانە سۋ بۇرۋ قىزمەتتەرىمەن ءتيىمدى جانە ۇتىمدى قامتاماسىز ەتۋ ماقساتىندا بارلىق اۋىل، اۋىلدىق وكرۋگتەردى اۋىز سۋمەن قامتاماسىز ەتۋ ءۇشىن جۇمىستار جۇرگىزىلۋدە. قازىرگى ۋاقىتتا داۋلەت اۋىلدىق وكرۋگىن سۋمەن قامتۋ جۇمىستارى جالعاسۋدا، ەسەپتى كەزەڭگە 43 شاقىرىم سۋ قۇبىرى تارتىلىپ، ءارقايسىسى 1000 تەكشە مەتر 2 رەزەرۆۋار ورناتىلدى. سونىمەن قاتار، ماڭعىستاۋ اۋىلىنىڭ ماڭعىستاۋ-1 ەلدى مەكەنىن سۋمەن قامتۋ جوباسىنىڭ قورىتىندىسى الىنىپ، قۇرىلىس جۇمىستارىن باستاۋعا 53 ملن. تەڭگە ءبولىندى جانە باياندى-3 تۇرعىن ءۇي ءماسسيۆىنىڭ سۋ جۇيەسى قۇرىلىسىنىڭ مەملەكەتتىك ساراپتاما قورىتىندىسى الىندى. باسقۇدىق جانە قىزىلتوبە اۋىلدارىن سۋمەن قامتۋ جۇيەسى قۇرىلىسىنىڭ، ماڭعىستاۋ اۋىلىنان كاناليزاسيا جۇيەسى قۇرىلىسىنىڭ جوبالىق سمەتالىق قۇجاتتاماسى جاساقتالۋدا.
اۋدان تۇرعىندارىن سۋمەن قامتۋدى جاقسارتۋ ماقساتىندا كاسپيي سۋ تۇششىتۋ زاۆودى اۋدان تۇرعىندارىن سۋمەن قامتاماسىز ەتىپ وتىر. بۇرىن «ماەك كازاتومپروم» جشس-ىنەن تاۋلىگىنە 3 مىڭ تەكشە مەتر سۋ الاتىن بولساق، ءقازىر كاسپيي سۋ تۇششىتۋ زاۆودىنان الىناتىن سۋدىڭ كولەمى تاۋلىگىنە 7-8 مىڭ تەكشە مەتردى قۇراپ وتىر.
اعىمداعى جىلدىڭ 1 جارتىجىلدىعىندا اۋىز سۋعا 66،3 ملن. تەڭگە سۋبسيديا ءبولىندى. 1 تەكشە مەتر اۋىز سۋدىڭ باعاسى 167 تەڭگەنى قۇرايتىن بولسا، بولىنگەن سۋبسيديانىڭ ەسەبىنەن اۋىز سۋدى قۇبىر ارقىلى پايدالاناتىن تۇرعىندارعا 1 تەكشە مەتر 30 تەڭگەدەن، كولىكپەن تاسىمالداناتىن سۋدىڭ 1 تەكشە مەتر 40 تەڭگەدەن جەتكىزىلىپ وتىر، ياعني سۋدىڭ 1 تەكشە مەتر 130-140 تەڭگەگە دەيىن ارزانداتىلدى.
اعىمداعى جىلى اۋدان قۇرامىنداعى 6 اۋىل، اۋىلدىق وكرۋگتىڭ باس جوسپارى بەكىتىلدى.
وڭىرلەردى دامىتۋدىڭ 2020 جىلعا دەيىنگى باعدارلاماسى اياسىندا: 40،5 ملن. تەڭگەگە 6 جوبا ىسكە اسىرىلۋدا، اتاپ ايتار بولساق: ماڭعىستاۋ اۋىلىنداعى №2 بالاباقشا عيماراتىنىڭ شاتىرىن جوندەۋ، قىزىلتوبە اۋىلىنىڭ كوشە جارىعىن مونتاجداۋ، اۋدان كولەمىندەگى اۆتوكولىك جولدارىنا باعدارشام ورناتۋ، №4،5 ورتا مەكتەپتەردىڭ عيماراتىن اعىمداعى جوندەۋ.
اۆتوموبيل جولدارىن دامىتۋ بويىنشا ماڭعىستاۋ اۋىلىندا اۆتوجولداردىڭ 3000م2 بولاتىن بولىگىنە جول شۇڭقىرلارىن جاماۋ جۇمىستارى جۇرگىزىلدى. 300 دانا جول بەلگىسى جانە 4 باعدارشام ورناتىلدى.
اعىمداعى جىلى ماڭعىستاۋ اۋىلىنىڭ ماڭعىستاۋ-5 تۇرعىن ءۇي ماسسيۆىنەن 3،6 شاقىرىم اۆتوكولىك جولىنىڭ قۇرىلىسى اياقتالىپ، مەملەكەتتىك كوميسسيادا قارالۋدا، سونىمەن قاتار، قىزىلتوبە-2 ەلدى مەكەنىنەن 15 شاقىرىم جول قۇرىلىسىنىڭ مەملەكەتتىك ساراپتاما قورىتىندىسى الىنىپ، قۇرىلىس جۇمىستارىن باستاۋعا 100 ملن. تەڭگە ءبولىندى.
مۇنايلى اۋدانى بويىنشا 636 شاقىرىم جول بار، ونىڭ ىشىندە اۋداندىق ماڭىزداعى جالپىعا ورتاق پايدالاناتىن اۆتوموبيل جولىنىڭ ۇزىندىعى 70،9 شاقىرىمدى قۇرايدى، ونىڭ 52،6 شاقىرىمى اسفالتتالعان، 18،3 شاقىرىمى گرەيدەر جول. قازىرگى ۋاقىتتى 84،4 شاقىرىم بولاتىن اۋىلىشىلىك اۆتوموبيل جولدارى قۇرىلىسىنىڭ جسق جاساقتالۋدا.
