ماڭعىستاۋ وبلىسى 2020 جىلعا دەيiن تولىقتاي سۋمەن قامتىلادى.
الماتى. قامشى پورتالى - بۇل تۋرالى ماڭعىستاۋ وبلىسىنىڭ اكiمi اليك ايداربايەۆ ءمالiم ەتكەن.
«سۋ وبلىستا تاپشى. بiز قازiر 100 مىڭ تەكشە مەتر سۋدى تۇشىتىپ كەلەمiز. سۋ قۇبىر ارقىلى ەدiل وزەنiنەن تاسىمالدانادى. مىسالى، 100 مىڭ تەكشە مەتر بiز ءوندiرەمiز، 40 مىڭ تەكشە مەتر سۋ ءالi جەتiسپەيدi. كەيبiر ەلدi مەكەندەرگە سۋ كەستەمەن بەرiلۋiنiڭ سەبەبi وسىندا جاتىر. ەگەر ەشتەڭە قولعا الماساق، سۋ تاپشىلىعى 70 مىڭ تەكشە مەترگە دەيiن وسەدi»، - دەپ اتاپ ءوتتi ءوڭiر باسشىسى.
ونىڭ ايتۋىنشا، وبلىستا وسىعان بايلانىستى «كاسپيي» سۋ تۇشىتۋ زاۋىتى سالىنعان. ونىڭ قۋاتتىلىعى 40 مىڭ تەكشە مەتر سۋ تازارتۋعا جەتەدi.
«بولاشاقتا 70 مىڭ تەكشە مەتر سۋ قاجەتتiلiكتiڭ 40 مىڭىن بiز وسىلايشا جاپپاقپىز. سونىمەن قاتار وبلىس اكiمدiگi «استراحان-ماڭعىشلاق» سۋ تاسىمالىنىڭ يەسi «قازترانسويل» كومپانياسىمەن كەلiسiم جاسادى. ولار تەحنولوگيالاردى جاڭعىرتۋ ارقىلى ونىڭ قۋاتىن 15-20 مىڭ تەكشە مەترگە ۇلعايتادى. اقتاۋداعى بiزدiڭ سۋ تازارتۋ كومپانياسى دا ءوز قۋاتىن ارتتىراتىن بولادى، وسىلايشا بiز 2020 جىلعا دەيiن سۋ تاپشىلىعىن جويامىز. سونىمەن قاتار ورتالىقتاندىرىلعان سۋ جۇيەسiمەن قالالاردىڭ 100 پايىزى، اۋىلداردىڭ 80 پايىزى قامتىلادى»، - دەدi اكiم.
ونىڭ ايتۋىنا قاراعاندا، وبلىس اكiمدiگi وعان قاجەتتi جوبالاردىڭ تiزiمi مەن قاجەتتى قاراجات كولەمىن انىقتادى.
«جوبالاردى iسكە اسىرۋ ءۇشiن جىلىنا بiزگە 10 ملرد. تەڭگە قاجەت. وعان قوسا، قازiردەن باستاپ، كەزەڭ-كەزەڭiمەن جوبالىق-سمەتالىق قۇجاتتاماسىن جاساۋدامىز. بيىل 4 ملرد. تەڭگە جۇمسالدى. كەلەسi جىلى 5-6 ملرد. تەڭگە كەتەدi دەپ جوسپارلانۋدا. جالپى «اق بۇلاق» باعدارلاماسى اياسىندا 60 ملرد. تەڭگە ءبولiنەدi. سوندىقتان 2020 جىلعا دەيiن بۇل ماسەلە شەشiمiن تابادى»، - دەپ ءتۇيدi ءسوزiن ا. ايداربايەۆ.
