الەۋمەتتىك جەلىدە تەڭىز كەن ورنىندا بولعان تالاپ شەرۋىنىڭ ۆيدەوسى پايدا بولدى. جۇمىسشىلار «تەڭىزشيەۆرويل» ج ش س باسشىلارىمەن نەمەسە وكىلدەرىمەن كەزدەسۋدى تالاپ ەتىپ وتىر، دەپ جازادى Qamshy.kz اقپارات اگەنتتىگى ATPress-كە سىلتەمە جاساپ
«ءۇيىمىزدى كورمەگەلى ءۇش ايداي ۋاقىت بولىپ كەتتى، ۇيدە بالا-شاعامىز جىلاپ جاتىر» دەلىنگەن ۆيدەودا. سونىمەن قاتار نارازى جۇمىسشىلاردىڭ بوقاۋىز ءسوز ايتىپ جاتقانىن ەستۋگە بولادى
«ءبىز شارشادىق، قاشانعا دەيىن شىداۋىمىز كەرەك، ءۇش اي تۇرمەدە وتىرعان سەكىلدىمىز وسى شارۋانى شەشە الاتىن بىرەۋ كەلسىن وسى جەرگە. اناليز العانىنا 20 كۇن ءوتتى، ناتيجەسى ءالى جوق! نەگە باستىقتار اۋىرمايدى، نەگە جۇمىسشىلار اۋىرادى؟» دەيدى جۇمىسشىلار.
ەموسياعا ەرىك بەرگەن ازاماتتار ءتۇرلى سوزدەرمەن بالاعات ايتۋدا. ولار «ەگەر تالاپ ورىندالماسا، اشتىق جاريالايمىز» دەپ وتىر.
ايماقتىق شۇعىل شتابتاعىلار جاعدايدىڭ 30 مامىر كۇنى ەكى ەنشىلەس كومپانيانىڭ جۇمىسشىلارى تۇرىپ جاتقان ۆاحتا اۋىلىندا بولعانىن حابارلادى. 30-عا جۋىق ادام كارانتيننىڭ ۇزارىپ كەتكەنىنە نارازىلىق بىلدىرگەن. ولار COVID-19 انىقتاۋعا تەست تاپسىرعان جانە كوروناۆيرۋس جۇقتىرعاندارمەن بايلانىستا بولعاندار رەتىندە 14 كۇنگە وقشاۋلانعان. ەكىنشى رەت تەستىلەۋىنىڭ ناتيجەسى كەشىگىپ جاتىر، ءبىراق بۇگىن ماسەلە شەشىلۋى كەرەك.
اتىراۋ وبلىسىندا كوروناۆيرۋستى جاڭادان جۇقتىرعان 69 ادام بار. ولاردىڭ 54ء-ى تەڭىز كەن ورنىنداعى مەردىگەر ۇيىمداردىڭ جۇمىسشىلارى.
پىكىر قالدىرۋ