جاقىندا  كاسىپكەرلىك نىساندارى بويىنشا باسپا ءسوز تۋرىنىڭ بارىسىندا «بيزنەستىڭ جول كارتاسى-2020» جانە باسقا دا «دامۋ» كاسىپكەرلىكتى دامىتۋ قورى» اق باعدارلامالارىنىڭ اۋقىمىندا اقتاۋ قالاسىنداعى «شىعىس-2 شاعىناۋدانىندا 75 ورىندىق جەكە بالاباقشا اشىلدى.

شىعىس-2 شاعىناۋدانىندا 276 ءۇي بار، وندا مەملەكەتتىك بالاباقشا جوق. كاسىپكەر گ.ح.ورازبايەۆا («اليحانيكو» جك) «دامۋ» قورىنا ءوزىنىڭ اۋدانى 521 شارشىمەترلىك ەكىقاباتتى ۇيىندە  بالاباقشا اشۋ يدەياسىمەن جۇگىنگەن بولاتىن. ستارتاپ-جوبانى «رەسەي جيناق بانكى» اق ەنشىلەس كاسىپورنى قارجىلاندىردى، كاسىپكەر جىلدىق 14 پايىزبەن 5 جىلعا 15 ملن. تەڭگە مولشەرىندە نەسيە الدى. بۇل قارجىنىڭ باسىم بولىگى (10 ملن. تەڭگە) ساپالى رەسەيلىك جيھاز جانە قاجەتتى جابدىقتار ساتىپ الۋعا جۇمسالدى.  

بالاباقشا 1،5-3 جاستارداعى بالالارعا ارنالعان، وندا ويىن بولمەسى جانە ۇيىقتايتىن بولمەلەر، بولەك سانيتارلىق توراپ جانە كىرمە ەسىگى بار. ولاردان ۇلكەنىرەك ەكى توپ ەكىنشى قاباتتا ورنالاسادى، سىرتتا ءار توپقا ارنالعان بولەك ويىن الاڭدارى جاسالعان. سونداي-اق بالاباقشاداعى سوكولدىق قاباتتا اعىلشىن، قازاق تىلدەرىن، اريفمەتيكا مەن ساۋات اشۋ ساباقتارىنا ارنالعان بولمەلەر، اكت جانە جاتتىعۋ زالدارى قاراستىرىلعان.

 «بالاباقشا اشۋعا ءوزىمنىڭ جەكە كەپىلدىك قاراجاتىم جەتپەيتىن بولدى. مەن كەپىلدىڭ 30 پايىزىن تولەدىم، قالعان 70 پايىزىنا «دامۋ» قورى كەپىلدىك بەردى، بۇل مەملەكەتتىڭ ناقتى كومەگى بولدى. مەن بالاباقشا اشۋعا قاجەتتى نەسيەگە يە بولدىم. سونداي-اق جىلدىق 14 پايىز ءوسىمنىڭ جارتىسىن مەملەكەت ءوز موينىنا الدى»، - دەپ اتاپ ءوتتى گۇلزيرا ورازبايەۆا.

گ.ورازبايەۆا قازان ايىندا «ىسكەرلىك بايلانىستار» جوباسى بويىنشا وقۋدان وتپەك، بۇل وعان گەرمانيادا تەگىن تاعلىمدامادان وتۋگە مۇمكىندىك بەرەدى.

قازىرگى كۇنى بالاباقشادا تاربيەلەنۋ قۇنى ايىنا 35 مىڭ تەڭگەنى قۇرايدى، ءبىراق تا كاسىپكەر ايەل «بالاپان» مەملەكەتتىك باعدارلاماسىنا قاتىسا وتىرىپ، ەرەسەك توپتار ءۇشىن ونىڭ باعاسىن 10 مىڭ تەڭگەگە دەيىن تومەندەتپەك. ق ر ۇكىمەتىنىڭ بۇدان 5 جىل بۇرىن بەكىتىلگەن قاۋلىسىمەن بۇل باعدارلاما وعان «اقستاۋ قالالىق ءبىلىم ءبولىمى» مم-مەن شارتقا وتىرىپ، ءاربىر تاربيەلەنۋشى ءۇشىن ايىنا 29 مىڭ تەڭگە سۋبسيديا الۋعا جول اشادى.

بۇگىندە اقتاۋ قالاسىندا 66 بالاباقشا جۇمىس ىستەيدى، جاڭادان اشىلىپ وتىرعان وسى ۇيىمدى قوسقاندا ولاردىڭ 24ء-ى - جەكە كاسىپورىندار. 

دەرەككوزى: قازاقپارات