الماتى قالاسى الاتاۋ اۋدانىنا قاراستى كوكقاينار ىقشاماۋدانىنداعى اقشاعىل كوشەسىنىڭ تۇرعىندارى "مەگاپوليستە تۇرساق تا، اۋىز سۋدى كوشەدەگى قۇدىقتان تاسىپ، ءالى كۇنگە دەيىن باتپاق كەشىپ ءجۇرمىز" دەپ شاعىنادى.
ولاردىڭ ايتۋىنشا، كوشەگە سۋ جانە كارىز جۇيەسىنىڭ ورتالىق قۇبىرى تارتىلىپ قويعان، ءبىراق ءالى ىسكە قوسىلماعان. سوندىقتان كوشەنىڭ باسىندا تۇراتىن تۇرعىندار سۋ الۋ ءۇشىن ورتالىقتاعى قۇدىققا بارادى.
بۇدان بولەك، شاعىن اۋداندا جول ماسەلەسى دە شەشىمىن تاپپاعان. تۇرعىندار سوزىنشە، كوشەلەرىنە تاس جول مۇلدە توسەلمەگەن. "كوكتەمدە بالشىققا باتامىز، جازدا شاڭعا تۇنشىعامىز" دەگەن ولار بۇعان دەيىن اۋداندىق اكىمدىككە تالاي مارتە رەسمي حات جازىپ، ماردىمدى جاۋاپ الا الماپتى.
پىكىر قالدىرۋ