ش. ءۋاليحانوۆ اتىنداعى تاريح جانە ەتنولوگيا ينستيتۋتى 2013 جىلدىڭ 1 قازانىندا تانىمال عالىم، تاريح عىلىمدارىنىڭ كانديداتى، ينستيتۋتتىڭ جەتەكشى عىلىمي قىزمەتكەرى ءالىمعازى داۋلەتحان ۇلىنىڭ 70 جىلدىق مەرەيتويىنا وراي عىلىمي كەڭەستىڭ كەڭەيتىلگەن وتىرىسىن وتكىزەدى.

ءالىمعازى داۋلەتحان ۇلى قازىرگى قازاقستان تاريح عىلىمىنىڭ تانىمال وكىلى، ونىڭ نەگىزگى عىلىمي زەرتتەۋ جۇمىستارىنىڭ مازمۇنى تۇركەش قاعاناتىنىڭ قۇرىلۋى، تۇركەشتەردىڭ ەتنيكالىق قۇرامى ەجەلگى رۋنيكالىق تۇركى جازبالارىنداعى تۇركەش قاعاناتىنا قاتىستى دەرەكتەردى قاراستىرۋىمەن، قازاق حالقىنىڭ رۋحاني-مادەني دامۋىن زەرتتەۋمەن  ەرەكشەلەنەدى. عالىم 200-گە جۋىق عىلىمي جانە عىلىمي-كوپشىلىك زەرتتەۋلەردىڭ، ونىڭ ىشىندە 2 مونوگرافيالىق ەڭبەكتىڭ جانە وقۋ قۇرالدارى مەن وقۋلىقتاردىڭ اۆتورى.

ءا. داۋلەتحان ۇلىنىڭ ۇزاق جىلدارداعى عىلىمي ىزدەنىستەرىنىڭ جيىنتىعى رەتىندەگى «ەجەلگى جانە ورتا عاسىرلارداعى تۇركىلەر» اتتى كولەمدى زەرتتەۋ ەڭبەگى ءبىزدىڭ جىل ساناۋىمىزدان بۇرىنعى مىڭ جىلدىق پەن ب.د. Vءىىى عاسىرىنا دەيىنگى تاريحي وقيعالاردىڭ ماڭىزىن زەردەلەۋگە ارنالعان. سونداي-اق «تۇركەش قاعاناتى» (692-766)» مونوگرافيالىق ەڭبەگى قازاق تاريحىنىڭ عاسىرعا جۋىق اقتاڭداعىن ايقىنداپ، تۇركەشتەردىڭ ەتنيكالىق قۇرامى، ەتنواۋماعى، ەل بيلەۋ ءۇردىسى، ديپلوماتياسى، سونداي-اق الەۋمەتتىك-ەكونوميكالىق، شارۋاشىلىق جانە مادەني جاعدايىنا قاتىستى كوپتەگەن تىڭ جانە ناقتىلى مالىمەتتەر نەگىزىندە جازىلعان.

ءا. داۋلەتحان ۇلى وتان تاريحىنىڭ ەجەلگى جانە ورتاعاسىرلارداعى وزەكتى ماسەلەلەرىنە، تاريحي تۇلعالار مەن ءتىل، ءدىل مەن ءدىن ماسەلەلەرىنە ارنالعان عىلىمي ماقالالارىمەن قاتار، قازاق تاريحىنىڭ كوكەيكەستى تاقىرىپتارىنا ارنالعان رەسپۋبليكالىق جانە حالىقارالىق عىلىمي-تاجىريبەلىك كونفەرەنسيالارلاردا جاساعان مازمۇندى باياندامالارىمەن قازاقستان حالىقتارىنىڭ رۋحاني وسۋىنە، ۇلتارالىق جاراسىمدىلىق پەن بىرلىكتىڭ سالتانات قۇرۋىنا ۇلەس قوسىپ كەلەدى.

مەرەيتوي يەسىنىڭ ارىپتەستەرى مەن دوس-جاراندارىن، شاكىرتتەرىن جانە وزگە تىلەكتەس كوپشىلىكتى مەرەيتويلىق ءىس-شاراعا قاتىسۋعا شاقىرامىز.

عىلىمي كەڭەس «عىلىم ورداسى» عيماراتىنىڭ كىشى زالىندا ساعات 15.00-دە وتەدى.

مەكەن-جايى: 050010، الماتى ق.، شيەۆچەنكو ك.، 28، 3-قابات.

انىقتاما تەلەفوندارى: 8(727) 2 616557، 8(727) 2616719

قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتى ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى  ۇيىمداستىرۋ كوميتەتى