ونىڭ ايتۋىنشا، تىركەلگەن ۇمىتكەرلەردىڭ 35،8 پايىزى (174ء-ى)  - ايەلدەر، 29 پايىزى (141) – 35 جاسقا دەيىنگى جاستار. باستاۋىش پارتيا ۇيىمدارىنان 221 ازامات ۇسىنىلسا، ءوزىن-وزى ۇسىنۋشىلار – 265 ادام. پرايمەريزگە قاتىسۋعا اقتوبە قالاسى، مۇعالجار، حرومتاۋ، شالقار، العا اۋداندارى ەرەكشە بەلسەندىلىك تانىتقان.

ەربول داناعۇلوۆ اقتوبەلىكتەردى الداعى ۋاقىتتا اتقارىلاتىن جۇمىستارمەن تانىستىرىپ، جوسپارلارىمەن ءبولىستى. ۇمىتكەرلەر 31 تامىزدان 6 قىركۇيەككە دەيىن ۇگىت-ناسيحات ناۋقانىنا دايىندالىپ، 7 قىركۇيەكتەن باستاپ ۇگىت جۇرگىزۋگە كىرىسەدى. ونىڭ ىشىندە  25 جەردە جاريا پىكىرسايىستار وتكىزۋ قاراستىرىلعان. وعان قاتىسۋ بارلىق ۇمىتكەرلەرگە مىندەتتى.

-ۇمىتكەرلەر ءبىرىنشى كەزەڭدە ناقتى ەلدى مەكەندەردىڭ ماسەلەلەرىن شەشۋ بويىنشا ءوز كوزقاراسىن تانىستىرادى. ياعني جەرگىلىكتى جەرلەردەگى وزەكتى ماسەلەلەردى اشىق كوتەرىپ، ناقتى شەشىمدەر ۇسىنۋى ءتيىس.  ەكىنشى كەزەڭدە «سۇراق-جاۋاپ» فورماتىندا پىكىرسايىس سەسسياسى وتەدى. پىكىرسايىستاردىڭ جالپى ۇزاقتىعى 90 مينۋتتان اسپايدى، -دەپ ەربول داناعۇلوۆ جاريا پىكىرسايىستاردى وتكىزۋ ءتارتىبىن ايتىپ ءوتتى.

پارتياىشىلىك سايلاۋدا ادامداردىڭ قاۋىپسىزدىگى باستى ورىنعا قويىلعان. ۇمىتكەرلەردىڭ جاريا پىكىرسايىستارى، پارتيا مۇشەلەرىمەن كەزدەسۋلەرى  كەم دەگەندە 2 مەتر اراقاشىقتىقتى ساقتاي وتىرىپ وتەدى. سونداي-اق كەزدەسۋلەردى كوبىنە اشىق الاڭدا، ال پىكىرسايىستاردى ونلاين فورماتتا ۇيىمداستىرۋ قاراستىرىلعان.

1-3 قازان ارالىعىندا وبلىستاعى 33 مىڭنان استام پارتيا مۇشەسىنىڭ داۋىس بەرۋى ءۇشىن 136 داۋىس بەرۋ ۋچاسكەلەرى بەلگىلەنىپتى. ونىڭ ينتەرنەت بايلانىسىنا قوسىلماعان 42 ۋچاستوكتا  ءداستۇرلى بيۋللەتەنمەن،  94 ۋچاستوكتا ونلاين  داۋىس  بەرۋ  جوسپارلانىپ  وتىر.

- بۇگىننەن باستاپ ۇمىتكەرلەرمەن كەزدەسۋ ۇيىمداستىرىپ، ۇگىت-ناسيحات جۇمىستارى تۋرالى جان-جاقتى اقپارات بەرۋدى باستادىق. ۇمىتكەرلەرىمىز شەتىنەن ءبىلىمدى، بەلسەندى، ءوز كۇشىنە سەنىمدى. باستىسى ەلىمىزدىڭ دامۋىنا مۇددەلى. ءبىز ولارعا تەڭ مۇمكىندىك بەرىپ، ادال، اشىق تۇردە ب ا ق سىناۋلارىنا بار جاعدايدى جاسايمىز، - دەدى ەربول داناعۇلوۆ.

ايتا كەتۋ كەرەك، پارتياىشىلىك سايلاۋعا ەلىمىز  بويىنشا 10 990 ادام تىركەلدى.