الماتىداعى كوك بازاردىڭ ماڭىندا ايەلدى توناعان ەكى ەر ادام ۇستالدى. بۇل تۋرالى Polisia.kz حابارلادى. 

1976 جانە 1986 جىلعى ەكى ازامات الدىن الا جوسپار قۇرىپ، بازار ماڭىنا توناۋ جاساۋ ءۇشىن كەلگەن. ولار ماقاتايەۆ پەن زەنكوۆ كوشەلەرىنىڭ قيىلىسىندا ادەيىلەپ التىن تاققان ايەلدەردى ىزدەپ، باقىلاپ تۇرعان. بەلگىلى بولعانداي، ەكەۋى دە بۇرىن سوتتالعان. 

مەدەۋ اۋداندىق پوليسيا ءبولىمىنىڭ باستىعى داۋرەن وتەبايەۆتىڭ ايتۋىنشا، ەكى قىلمىسقار ايەلدىڭ ارتىنان جۇگىرىپ كەلىپ، التىن القاسىن جۇلىپ العان دا سول جەردەن بوي تاسالاعان.

– ءبىزدىڭ ءبولىمنىڭ قىزمەتكەرلەرى ولاردى ۇستادى. وسى قىلمىستى جاساعانداردىڭ ءبىرى تۇركسىب ايماعىندا وسىعان ۇقساس قىلمىستارى ءۇشىن سوتتالعان. بەلگىلى بولعانداي، ول ەسىرتكى پايدالانادى. جاڭا دوزانى ساتىپ الۋ ءۇشىن، ول تاعى دا ايەلدەردى توناي باستادى، –  دەدى داۋرەن وتەبايەۆ.

جەدەل ىزدەستىرۋ شارالارى بارىسىندا كۇدىكتىلەر ۇستالىپ، الماتى قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. ءقازىر سوتقا دەيىنگى تەرگەۋ جۇرگىزىلىپ جاتىر.