وڭتۇستىك قازاقستان وبلىستىق ىشكى ساياسات  باسقارماسىنىڭ بۇرىنعى باسشىسى بەرىك ءۋالي مىرزانىڭ «نۇر وتان» پارتياسى ءتوراعاسى ءبىرىنشى ورىنباسىرىنىڭ كەڭەسشىسى قىزمەتىنە تاعايىندالعانى تۋرالى «قامشى» پورتالىندا حابارلاعان بولاتىنبىز.

بەرىك ءۋالي ۇلى وڭتۇستىك قازاقستان وبلىسىندا ىشكى ساياسات باسقارماسىن باسقارعان جىلدارى قانداي شارۋالار اتقارىلدى، ءۋالي ۇلى بەرىك قۇرمانعالي مىرزا وڭتۇستىك قازاقستاندىقتاردىڭ ەسىندە نەسىمەن قالدى؟ بەلگىلى جۋرناليست، ۇلتشىل ازامات بەرىك ءۋالي ۇلىنىڭ اتقارعان جۇمىستارىنىڭ ءبىرسىپارىسىن «قامشى» پورتالى تىزبەلەپ كورگەن ەدى.

1.      ەڭ اۋەلى الاشوردا ۇكىمەتىنىڭ 95 جىلدىق مەرەيتويىنا ارنالعان رەسمي كونفەرەنسيانى وڭتۇستىكتە ۇيىمداستىرىپ ەدى.  الاشوردانىڭ 90-95 جىلدىقتارىندا بيلىكتە ءاليحان بوكەيحان يدەياسىن ۇعىناتىن ازاماتتار سيرەك دەسكەن. سويتسەك، تاريح قازاقتىڭ دا ۇپايىن اقىرىنداپ تۇگەندەپ كەلە جاتسا كەرەك.

2.      قازاق حاندىعىنىڭ 550 جىلدىعىنا وراي «ءدىني تۇراقتىلىق – ەل دامۋىنىڭ كەپىلى» عىلىمي-پراكتيكالىق كونفەرەنسيا ءوتتى.

3.      وقو ىشكى ساياسات جانە ءدىن ىستەرى باسقارماسىنىڭ تاپسىرىسى بويىنشا جەڭىستىڭ 70 جىلدىعىنا وراي  «مايدانگەرلەر» اتتى قىسقامەتراجدى فيلم ءتۇسىرىلدى. تەك بۇل عانا ەمەس، نەگىزگى ماماندىعى كينوسىنشى بەرىك ءۋالي ۇلى وڭىردە ءتۇرلى مادەني اۋقىمدى شارالاردىڭ ۇيىتقىسى بولا ءبىلدى. ب ا ق پەن قويان-قولتىق جۇمىس ىستەۋگە بار كۇش-جىگەرىن سالعانى دا جاسىرىن ەمەس.

4.      مەملەكەتتىك ماڭىزى بار الەۋمەتتىك شارالار ۇزدىكسىز وتكىزىلىپ كەلدى. مىسالى: ءرامiزدەر كۇنi، مەرەيلi وتباسى، 100 ناقتى قادام بويىنشا جۋرناليستەردiڭ ايماقتىق فورۋمى، مەشىت يمامدارىنىڭ سزەزدى جانە ءتۇرلى عىلىمي-پراكتيكالىق كونفەرەنسيالار مەن سەمينارلار ت.ب.

5.      بەرىك ءۋالي ۇلىنىڭ وڭتۇستىككە كەلۋىمەن قالادا تاريحي تۇلعالارعا ارنالىپ ەسكەرتكىشتەر كوپتەپ بوي كوتەرە باستادى. ءبىر عانا استانا كۇنى قارساڭىندا 75 نىساننىڭ اشىلۋىن ۇيىمداستىردى.

شتاتيۆ كوتەرىپ جۇرەتىن قاراپايىم تىلشىدەن مەملەكەتشىل تۇلعاعا دەيىن وسكەن بەرىك ءۋالي ۇلى تالاي "دودالاردا" "ەركىن ءسوزىن" ايتىپ، مەملەكەت پەن قوعامنىڭ كۇردەلى ماسەلەسىمەن "بەتپە بەت" كەزىگىپ، الاشتىڭ "اماناتىن" ارقالاپ جۇرگەنى ءۇشىن دە حالىقتىڭ جۇرەگىندە قالعان ازامات دەسەك اسىرە سىلتەگەنىمىز بولماس.

بەرىك قارمانعالي وڭتۇستىكتە ىشكى ساياساتتىڭ دا باعىن اشىپ ەدى، ەندى بار بىلىگىن كەزىندە ءوزىن شىڭداعان "نۇر وتانىنا" سالماقشى. جاڭا قىزمەتكە تاعايىندالىپ جاتقان بەرىك ءۋاليۇلىنا ايتار تىلىگەمىز بار.

قازىرگى قوعامدا «نۇر وتان» مەن «ايتىس» ەگىز ۇعىمعا اينالعانى جاسىرىن ەمەس. قازاق ايتىسى سوڭعى كەزدەرى پارتيانىڭ، سوسىن ءدىني توپتاعىلاردىڭ ەرمەگىنە اينالىپ كەتتى دەيدى ەستى جۇرت. ءومىرىن ايتىسپەن ۇشتاستىرعان قازاق حالقىنىڭ كوڭىلى دە سۋىي باستاعانى جاسىرىن ەمەس. ءيا، ايتىسكەرلەر دە ەكىگە ءبولىنىپ تىندى. ەل اراسىندا «كىمنىڭ ايتىسكەرلەرىن شاقىرامىز؟» دەگەن رەپليكانىڭ دا پايدا بولعانى راس. ەندىگى جەردە باس پارتياعا اسقار مىرزاحمەتوۆ پەن بەرىك ءۋالي ۇلى كەلدى.  بۇرىندارى توي-تويلاۋدان دەڭگەيى اسپاعان باس پارتيانىڭ – شىن مانىندەگى حالىقتىق، مەملەكەتتىك ماسەلەلەرگە ارالاسىپ، ۇلتتىڭ مۇددەسى ءۇشىن، حالىقتىڭ ءۋاجى ءۇشىن قىزمەت ەتەدى، پارتيا مەن مەملەكەت قارجىسى توي-تومالاقتان وزگە حالىق يگىلىگىنە جۇمسالۋىنا سىزدەر باس-كوز بولادى دەپ سەنەمىز.

نۇرگەلدى ءابدىعاني ۇلى