مامىر ايىنىڭ سوڭىندا الماتى قالاسىندا «دۇيسەنبىلىك سپورت» جوباسى اياسىندا شاعىن فۋتبولدان ىرىكتەۋ ويىندارى ءوتتى. وعان «جۇلدىز»، «ياليان»، «الاتاۋ»، «ارىستان»، «باقوردا»، «قىرعاۋىلدى»، «كەنجەحان»، «ارلان»، «التىن وردا»، «سالامات»، «بارىس»، «بايسات»، «قازىنا»، «تاستاق» جانە تاعى باسقا ساۋدا ورتالىقتارىندا جۇمىس ىستەيتىن جاستاردان قۇرالعان 16 كوماندا قاتىستى.

جىل سايىن داستۇرگە اينالعان «دۇيسەنبىلىك سپورت» جوباسىنىڭ تاپسىرىس بەرۋشىسى – الماتى قالاسى جاستار ساياساتى باسقارماسى. ونى ۇيىمداستىرۋ بيىل بايقاۋ قۇجاتتارىنا سايكەس «Social project management» ورتالىعى» قوعامدىق قورىنا جۇكتەلدى.

تۋرنير ەكى الاڭدا قاتار ءوتتى. 

العاشقى ىرىكتەۋ كەزىندە 16 كوماندا 4 توپقا ءبولىنىپ، ءوزارا اينالما ويىندارىن وتكىزدى. ءبىر توپتا ءار كوماندا ءۇش ويىننان وتكىزىپ، ەڭ جوعارى ۇپاي جيناعان 2 كوماندا كەلەسى كەزەڭگە شىقتى. ناتيجەسىندە 16 كوماندا ىشىنەن 8 كوماندا شيرەك فينالعا سۋىرىلىپ شىعىپ، وزعاندارى جارتىلاي فينالعا جولداما الدى. ولار: «كەنجەحان»، «بايسات-1»، «سالامات-2»، «ارىستان» كوماندالارى. تۋرنير ەرەجەسىنە ساي جارتىلاي فينالدا «ارىستان» مەن «سالامات-2»، «بايسات-1» مەن «كەنجەحان» كوماندالارى ب ا ق سىناستى.

«ارىستان» مەن «سالامات-2» كوماندالارى اراسىنداعى ويىن بارىسىندا ەكىنشى كوماندا پاس بەرۋدە ۇيىمشىلدىق جاعىنان قارسىلاستىرىنان ءبىر ساتى جوعارى تۇردى دەسەك بولادى. ولار ەكى تايم قورىتىندىسى بويىنشا ارىستاندىقتاردىڭ قاقپاسىن ەكى گول سالىپ،  ويىن 1:2 ەسەبىمەن اياقتالىپ، «سالامات-2» كومانداسى كەلەسى كەزەڭگە ءوتتى.
«كەنجەحان» مەن «بايسات-2» كوماندالارى اراسىنداعى ويىن وتە سۇراپىل بولدى. نەگىزگى ويىن 2:2 ەسەبىمەن تەڭ اياقتالىپ، ويىن پەنالتي سەرياسىنا جەتتى. كەزەك كەزەك تەبىلگەن پەنالتيلەر سەرياسى بويىنشا بايساتتىقتار «كەنجەحان» كومانداسىنىڭ جىگىتتەرىنە 3:1 ەسەبىمەن جول بەردى.

فينال!

«سالامات-2» مەن «كەنجەحان» كوماندالارى التىن مەدال مەن كۋبوك ءۇشىن جان الىسىپ جان بەرىستى. فينالدىق باسەكەدەگى ەكى كوماندانىڭ شابۋىلشىلارى بار ءايلا-تاسىلىن قولدانىپ-اق باقتى.  دەگەنمەن 2:1 ەسەبىمەن «سالامات-1» كومانداسىنىڭ باعى جانىپ، باس جۇلدەنى ءوز قانجىعاسىنا بايلادى.

وسىلاي «سالامات-2» كومانداسى، «دۇيسەنبىلىك سپورت» جوباسى اياسىندا وتكەن شاعىن فۋتبول ءتۋرنيردىڭ جەڭىمپازى اتانىپ، كۋبوكتى يەلەندى.
تۋرنير قورتىندىسى بويىنشا ءبىرىنشى ورىن العان «سالامات-2» كومانداسىنا 250 مىڭ تەڭگەنىڭ، ەكىنشى ورىن العان «كەنجەحان» كومانداسىنا 150 مىڭ تەڭگەنىڭ، ءۇشىنشى ورىن العان ەكى كوماندا «بايسات-2» مەن «ارىستان» كوماندالارىنا 50 مىڭ تەڭگەنىڭ سەرتيفيكاتتارى تابىس ەتىلدى.