باتىرحان شۇكەنوۆتىڭ "ايالاعان ارمان-اي" اتتى جاڭا بەينەبايانى عالامتور جەلىسىندە جاريالاندى.
اق-قارا ءتۇستى پايدالانعان بەينەبايان وتاندىق تەلەارنالاردا كورسەتىلىپ جاتىر. بەينەباياندى باتىرحان شۇكەنوۆ اتىنداعى 2015 جىلدىڭ مامىرىندا قۇرىلعان قور ءتۇسىردى.
باتىرحان شۇكەنوۆتىڭ اتىنداعى قور قازاقستانداعى مۋزىكالىق ءبىلىم وردالارىندا ءانشى اتىنداعى شاكىرتاقىنى تاعايىنداۋدى جوسپارلاپ وتىر. قوردىڭ نەگىزگى ماقساتى ءانشى اتىندا مەكتەپ-ستۋديا، زاماناۋي تەحنيكالارمەن جابدىقتالعان كونسەرت زالىن جانە پروديۋسەرلىك ورتالىق اشۋ ەكەن.
"ءولدى دەۋگە بولا ما، ايتىڭدارشى، ولمەيتۇعىن ارتىنا ءىز قالدىرعان" دەمەكشى، حالىقتىڭ قالاۋىنا بولەنىپ، ءومىرىنىڭ سوڭىنا دەيىن "ونەر" اتتى ايدىندا قالقىعان ەل ءباعىلانى-وزىن سۇيگەن، ونەرىن سۇيگەن حالقى باردا ونەرى قاشاندا وشپەستەي بولىپ ۇلىقتالادى.
گۇلدەن ءابدىباقىت
"قامشى" سىلتەيدى
