بۇگىن ورتالىق كوممۋنيكاسيالار قىزمەتىندە وتكەن ونلاين-بريفينگتە قازاقستان رەسپۋبليكاسىنىڭ دەنساۋلىق ساقتاۋ ءمينيسترى الەكسەي سوي ەلدە كوروناۆيرۋس جۇقتىرۋ ءقاۋپى جوعارى ەكەنىن مالىمدەدى.
– قازاقستاندا كوروناۆيرۋس ينفەكسياسىنىڭ جاپپاي تارالۋى ماۋسىم-شىلدە ايىندا بولسا، تالداۋ جاساپ، شامامەن ءۇش ايدان كەيىن – قاراشا-جەلتوقساندا اۋرۋدى اۋىر وتكەرگەن ناۋقاستاردىڭ انتيدەنەسى باسەڭدەيتىنىن بولجاۋعا بولادى. سوندىقتان كوروناۆيرۋس جۇقتىرۋ ءقاۋپى جوعارى. ءقازىر الەمدە قايتا جۇقتىرۋ جاعدايلارى كوپ، قازاقستاندا جوق. ءبىراق ءقاۋىپ ءارقاشان بار، – دەدى مينيستر سوي.
ءمينيستردىڭ ايتۋىنشا، تۇرعىنداردى ۇجىمدىق يممۋنيتەت قالىپتاستىرۋ ماسەلەسى مازالايدى. وسى ورايدا جاپپاي ۆاكسينا نەگىزىندە تۇرعىنداردىڭ كوپ بولىگىندە يممۋنيتەت بولسا، اۋرۋدىڭ تارالۋى توقتايتىنىن ايتتى.
وسىلايشا، ۆاكسينا باسقاراتىن يممۋنيتەت ينفەكسيانى جويا الادى. ۆاكسينا ازىرلەنگەنگە دەيىن كارانتين شارالارىن ورىنداۋ كەرەك. سوي عالىمداردىڭ پىكىرىن نەگىزگە الا وتىرىپ، ۆيرۋس جۇقتىرعان سوڭ جازىلعان ادامنىڭ 3-5 ايدان كەيىن كوروناۆيرۋسقا قارسى انتيدەنەسىنىڭ جويىلاتىنىن اتاپ ءوتتى.
پىكىر قالدىرۋ