كاسپيي كارتامەن تولەم جاساۋ، بانكوماتتاردان اقشا شەشۋ، تولتىرۋ، تولەمدەر مەن اۋدارىمدار ۋاقىتشا قوجەتىمسىز. Kaspi.kz قوسىمشاسىنداعى تەحنيكالىق اقاۋلارعا قاتىستى بانك باسپا ءسوز حاتشىسى ەربول ازانبەك جاۋاپ بەردى. 

ە.ازانبەكتىڭ ايتۋىنشا، Kaspi.kz قوسىمشاداعى تەحنيكالىق اقاۋلاردى رەتكە كەلتىرىپ جاتىر جانە كليەنتتەردىڭ اقشالارى جەكە شوتتارىندا ساقتاۋلى تۇر.

– 28 قازان كۇنى Kaspi.kz قوسىمشاسىندا تەحنيكالىق اقاۋ تۋىندادى. ناتيجەسىندە كليەنتتەردىڭ شوتتارىنداعى قارجى كولەمىن قاتە كورسەتۋدە. كومپانيا بارلىعىن تەز ارادا قالىپقا كەلتىرۋ ءۇشىن جۇمىس جاساۋدا. الەۋمەتتىك جەلىلەر مەن مەسسەندجەرلەردە مۇنىڭ كيبەرشابۋىل ەكەندىگى تۋرالى جالعان اقپارات تارادى. ەشقانداي كيبەرشابۋىل بولماعانىن حابارلايمىز، كليەنتتەردىڭ قاراجاتى تۇگەلدەي ءوز قالپىندا جانە اقاۋ رەتكە كەلتىرىلگەننەن كەيىن قوسىمشادا دۇرىس كورسەتىلەدى، – دەدى باسپا ءسوز حاتشىسى.