قمدب ءتوراعاسى، باس ءمۇفتي – ناۋرىزباي قاجى تاعان ۇلى الماتى قالاسىنىڭ يمامدارىمەن كەزدەستى. بۇل تۋرالى قمدب رەسمي سايتى muftyat.kz حابارلادى. 

ناۋرىزباي قاجى الماتى قالاسىنا ساپارى بارىسىندا قالا يمامدارىمەن كەزدەسىپ، ءبىرقاتار ماسەلەلەردى تالقىلادى. باسقوسۋعا قمدب اپپارات باسشىسى عىلىمبەك جادىگەر ۇلى، قمدب ءدىن ىستەرى جانە تالداۋ ءبولىمىنىڭ مەڭگەرۋشىسى نۇربەك ەسماعانبەت، الماتى قالاسىنىڭ باس يمامى ەركىنبەك شوقاي مەن ورتالىق مەشىتتىڭ ءدىن قىزمەتكەرلەرى جانە اۋدانداردىڭ باس يمامدارى قاتىستى.

ءبىرىنشى كەزەكتە الماتى قالاسىنىڭ باس يمامى ەركىنبەك شوقاي قالاداعى ءدىني احۋال تۋرالى بايانداپ، پاندەميا كەزىندەگى ءدىن قىزمەتكەرلەرىنىڭ اتقارعان جۇمىسى مەن قايىرىمدىلىق شارالارى، سونداي-اق، ءدىني باسقارمانىڭ 30 جىلدىعىنا وراي جوسپارلانعان ءىس-شارالاردىڭ قالاي جۇزەگە اسىپ جاتقاندىعى جونىندە ەسەپ بەردى.

ال باس ءمۇفتي يمامدارعا ءدىن قىزمەتكەرىنىڭ قازىرگى تاڭداعى يميدجىنە باسا ءمان بەرۋ كەرەكتىگىن ەرەكشە اتاپ ءوتتى. سونىمەن قاتار يمامداردى جاماعاتپەن ءاردايىم جاقسى قارىم-قاتىناستا بولۋعا ۇندەپ، مەشىتتەردەگى ۋاعىز-ناسيحات جانە جات اعىم ەرۋشىلەرىنە ءتۇسىندىرۋ جۇمىستارىن جانداندىرۋعا ناقتى تاپسىرمالار بەردى.

وقي وتىرىڭىز  

♦ قايرات جولدىباي: ءمۇفتي بولۋ ءۇشىن ورىندايتىن شارتتار بار، مەن ول جولدى تاڭداعان جوقپىن