ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا اقتوبە وبلىسىنىڭ اكىمى وڭداسىن ورازالين ءوڭىردىڭ الەۋمەتتىك-ەكونوميكالىق دامۋى، سونداي-اق وڭىردە ىسكە اسىرىلىپ جاتقان جاڭا جوعارى تەحنولوگيالىق ينۆەستيسيالىق جوبالار تۋرالى باياندادى.

سپيكەردىڭ ايتۋىنشا، وڭىردە پاندەميا مەن شەكتەۋ شارالارىنا قاراماستان بارلىق نەگىزگى الەۋمەتتىك-ەكونوميكالىق كورسەتكىشتەردىڭ قارقىندى ءوسۋى قامتاماسىز ەتىلگەن. ونەركاسىپ كولەمى 100،1%، ينۆەستيسيالار – 108،8%، اۋىل شارۋاشىلىعى – 104،1%، قۇرىلىس – 116،4%، تۇرعىن ءۇيدى پايدالانۋعا بەرۋ - 103،6% قۇرادى.

9 ايدىڭ قورىتىندىسى بويىنشا وبلىس ەكونوميكاسىنا 410 ملرد.تەڭگە ينۆەستيسيا تارتىلدى.

«بيىل وڭىردە 1 200 جۇمىس ورنىن اشاتىن، قۇنى 140،2 ملرد. تەڭگە بولاتىن 26 ءىرى ينۆەستيسيالىق جوبا جۇزەگە اسىرىلۋدا. 54،5 ملرد. تەڭگەگە 7 جوبا ەندىگى پايدالانۋعا بەرىلىپ، 330 جۇمىس ورنى قۇرىلدى.

ءىرى جوبالاردىڭ قاتارىندا «ARM wind» ءجشس-نىڭ «بادامشا-1» جەل ەلەكتر ستانساسىنىڭ، «كوكتاس اقتوبە» اق-نىڭ قۇرىلىس ماتەريالدارى مەن سيليكات كىرپىش وندىرەتىن زاۋىتىنىڭ، «Alina Holding» ءجشس-نىڭ قاتتى-ۇنتاق تولتىرعىش شىعاراتىن سەحىنىڭ، كونتەينەر (بيگ-بەگ)، ۆاگوننىڭ ىشىنە سالۋعا ارنالعان ارنايى ماتالار مەن جاپقىشتار شىعاراتىن ءپىشۋ سەحىنىڭ، «گەبا» ءجشس-نىڭ مۇزداتىلعان جارتىلاي فابريكاتتار شىعاراتىن زاۋىتىنىڭ، «Milker» ءجشس-نىڭ قۇراما جەم زاۋىتىنىڭ قۇرىلىستارى بار. ينۆەستيسيا تارتۋ جۇمىستارى 2021 جىلى دا جالعاساتىن بولادى. سونىڭ ىشىندە 149،3 ملرد. تەڭگەگە 18 جوبا جۇزەگە اسىرىلىپ، 2 200-دەن استام جۇمىس ورنى قۇرىلادى»،- دەدى وڭداسىن ورازالين.

قارعالى اۋدانىندا قۇنى 38 ملرد.تگ. بولاتىن جەل ەلەكتر ستانساسىنىڭ ەكىنشى كەزەگىن، 15 ملرد. تەڭگە سوماعا قۇرامىندا زياندى مۇنايلى قالدىقتاردى قايتا وڭدەيتىن زاۋىت، قۇنى 3،7 ملرد تەڭگە بولاتىن ءموبيلدى بۇرعىلاۋ قۇرىلعىلارىن شىعاراتىن كاسىپورىن، 2 ملرد. تەڭگەگە مەتالل قاڭقاسىن شىعاراتىن زاۋىت سالۋ جوباسىن جۇزەگە اسىرۋ جوسپارلانعان.

وڭداسىن ورازالين پاندەميا كەزىندە شاعىن جانە ورتا بيزنەس ەڭ كوپ زارداپ شەككەنىن، سوعان بايلانىستى وڭىردە وسى سالانى قولداۋ جانە ودان ءارى دامىتۋ ماسەلەلەرىنە ەرەكشە كوڭىل بولىنەتىنىن اتاپ ءوتتى.

مەملەكەتتىك قولداۋدىڭ قولدانىستاعى تەتىكتەرىن 1 300-دەن استام شوب جوباسى پايدالاندى، بۇل 2019 جىلدىڭ سايكەس كەزەڭىمەن سالىستىرعاندا 21%-عا ارتىق. ونىڭ ىشىندە «بيزنەستىڭ جول كارتاسى» اياسىندا 392 شوب جوباسى قولداۋ تاپتى، «قاراپايىم زاتتار ەكونوميكاسى» باعدارلاماسى اياسىندا 100 جوبا، «ەڭبەك» باعدارلاماسى اياسىندا تاعى 811 جوبا ماقۇلداندى.

2021 جىلى وسى مەملەكەتتىك باعدارلامالار اياسىندا قولداۋ كورسەتىلگەن جوبالاردىڭ جالپى سانىن 1،5 مىڭعا دەيىن ارتتىرۋ جوسپارلانۋدا.