وبلىس اكىمى وڭداسىن ءورازاليننىڭ توراعالىعىمەن وتكەن جيىندا وڭىردەگى سانيتارلىق-ەپيدەميولوگيالىق جاعداي، جىلىتۋ ماۋسىمىنىڭ وتۋىنە قاتىستى سۇراقتار تالقىلاندى. جيىنعا وبلىس اكىمىنىڭ ورىنباسارلارى، باسقارما باسشىلارى، اقتوبە قالاسى مەن اۋدان اكىمدەرى بەينەبايلانىس ارقىلى قاتىستى.
وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆتىڭ سوزىنشە وڭىردەگى جاعداي تۇراقتى.
ناۋقاستاردىڭ 97%-ى اۋرۋحانادان شىققان. توسەك-ورىن جۇكتەمەسى 14،6%-عا دەيىن تومەندەدى. 315 ينفەكسيالىق كەرەۋەت دايىندالدى. زەرتحانالار 177 890 پتر تەستتەن وتكىزدى، تەست قۇنى 15 400 تەڭگەدەن 8 مىڭعا دەيىن ارزاندادى. وڭىردە پاندەميانىڭ بولۋى مۇمكىن ەكىنشى تولقىنىنا دايىندىق جۇمىستارى جالعاسىپ جاتىر.
"ستاسيونارلارداعى كەرەۋەت سانى قاجەت بولسا 315-تەن 3603-كە دەيىن ارتادى، سونىڭ ىشىندە 401 - رەانيماسيالىق. وبلىستاعى 3603 توسەك ورىننىڭ 2060-ى وتتەگىمەن قامتىلعان. مەديسينالىق مەكەمەلەردىڭ ماتەريالدىق-تەحنيكالىق بازاسىن نىعايتۋ شارالارى قابىلداندى. مەديسينالىق مەكەمەلەردە دارى-دارمەكتەر مەن جەكە قورعانىس زاتتارىنىڭ ەكى ايلىق قورى جاسالدى"،- دەدى نۇرجاۋعان قالاۋوۆ.
رەسپۋبليكالىق بيۋدجەت ەسەبىنەن 1 كومپيۋتەرلىك توموگراف، 13 ستاسيونارلىق رەنتگەن اپپاراتى، 50 ناۋقاس مونيتورى، اۆتونومدى وتتەگى ستانساسى، 6 جىلجىمالى دياگنوستيكالىق كەشەن، وكپەنى جاساندى جەلدەتۋ اپپاراتى مەن ت.ب. ساتىپ الىندى.
47 مونيتورينگ توبى 16 666 نىساندى قامتىپ، 6682 رەيد جۇرگىزدى. ناتيجەسىندە 1487 قۇقىقبۇزۋشىلىق انىقتالىپ، 962 ادام جاۋاپقا تارتىلدى، 119،2 ملن تەڭگە ايىپپۇل سالىندى.
وڭداسىن ورازالين اقتوبە قالاسى مەن اۋدان اكىمدەرىنە باقىلاۋدى (اسىرەسە كولىك وتەتىن "جايساڭ" جانە "الىمبەت" بەكەتتەرى بار قارعالى، مارتوك اۋداندارىندا) كۇشەيتۋدى، ىندەت انىقتالعان جاعدايلاردا قاجەتتى شارالاردى قابىلداۋدى تاپسىردى.
سونداي-اق، جيىنعا قاتىسۋشىلار جىلىتۋ ماۋسىمىنىڭ ءوتۋىن تالقىلادى.
ەنەتەرگەتيكا جانە تكش باسقارماسىنىڭ باسشىسى ايبەك قايىردىڭ سوزىنشە، 589 قازاندىقتىڭ، 266،5 جىلۋ جۇيەسىنىڭ، 136،5 شاقىرىم سۋمەن جابدىقتاۋ جانە سۋ بۇرۋ جۇيەلەرىنىڭ، 146،6 شاقىرىم ەلەكتر جەلىلەرىنىڭ، 1 440 الەۋمەتتىك نىساننىڭ، 2 486 كوپپاتەرلى تۇرعىن ءۇيدىڭ جوسپارلانعان بارلىق اعىمداعى جانە كۇردەلى جوندەۋ جۇمىستارى مەرزىمىندە اياقتالعان. جالپى دايىندىق 100% قۇرايدى.
بيۋدجەتتىك مەكەمەلەر ءۇشىن 34 486،6 توننا كومىر مەن 2 011،2 توننا ديزەل وتىنى دايىندالىپ، حالىقتىڭ قاجەتتىلىگىنە 23 602 توننا ديزەل وتىنى جەتكىزىلدى.
ءوڭىر باسشىسى اقتوبە قالاسى مەن اۋدان اكىمدەرىنە وسى سۇراقتى ۇنەمى باقىلاۋدا ۇستاپ، جىلىتۋ ماۋسىمى كەزىندە كوممۋنالدىق جەلىلەردەگى تەحنيكالىق بۇزۋشىلىقتاردى جويۋدىڭ جەدەل شارالارىن قابىلداۋدى تاپسىردى.
تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى جاقسىعالي يمانقۇلوۆ مەملەكەت باسشىسىنىڭ تاپسىرمالارىن ورىنداۋ اياسىندا وڭىردە "اقتوبە وبلىسىنىڭ ورمان شارۋاشىلىعىن دامىتۋ شارالارىنىڭ 2021-2023 جىلدارعا ارنالعان جوسپارى" ازىرلەنگەنىن جەتكىزدى.
ونى جۇزەگە اسىرۋدىڭ ناتيجەسىندە ورماندىلىق 9% ارتادى دەپ كۇتىلىپ وتىر، جىل سايىن 1077 گەكتار ورمان وتىرعىزىلاتىن بولادى، ورمان ءتالىمباقتارىن دامىتۋ، ەلدى مەكەندەر اينالاسىن جاسىل جەلەكتەندىرۋ شارالارى قابىلدانباق.