ءماجىلىس دەپۋتاتتارى جۇرگىزۋشى كۋالىگىن ۇمىتىپ كەتكەن جۇرگىزۋشىلەرگە قاتىستى اكىمشىلىك ءىس قوزعاماۋ تۋرالى زاڭدى ماقۇلدادى، دەپ حابارلادى Hola news.
جاڭا ەرەجە تەك قازاقستان ازاماتتارىنا ارنالعان. شەتەلدىكتەر جۇرگىزۋشى كۋالىگىمەن جۇرۋگە مىندەتتى.
– ۇلتتىق سەنىم كەڭەسىنىڭ ەكىنشى وتىرىسىندا تەكسەرىس بارىسىندا جۇرگىزۋشى كۋالىگى، قازاقستان رەسپۋبليكاسىندا بەرىلگەن كولىكتىڭ تىركەۋ قۇجاتى بولماعان جاعدايدا ونى اكىمشىلىك جاۋاپكەرشىلىككە تارتپاۋ تۋرالى زاڭ جوباسى مەملەكەت باسشىسىنىڭ قاراۋىنا جىبەرىلدى. اتالمىش قۇجاتتار ىشكى ىستەر ورگاندارىنىڭ اقپارات بازاسىندا ساقتالادى. قاجەت بولسا پوليسيا قىزمەتكەرلەرى اقپارات بازاسى ارقىلى تەكسەرە الادى، – دەدى ءماجىلىس دەپۋتاتى ماگەررام ماگەرراموۆ.
پىكىر قالدىرۋ