قىزىلوردا وبلىسى ارال اۋدانى قامىستىباس اۋىلىنان 35 شاقىرىم جەردەگى قامباش كولىندەگى مۇز جارىلىپ، سۋ تۇبىنە كەتكەن 4 ادامنىڭ دەنەسى شىعارىلدى. بۇل تۋرالى توتەنشە جاعدايلار مينيسترلىگى حابارلادى.

8 جەلتوقساندا قامباش كولىندەگى مۇز جارىلىپ، "ۋاز" اۆتوكولىگى سۋ تۇبىنە كەتكەن. كولىكتە بولعان 7 ادامنىڭ 3-ەۋى ءوز بەتىنشە سۋدان شىعا العان.

1985، 1981، 1994، 1973 جىلدارى تۋعان قالعان 4 ادامدى قۇتقارۋشىلار ىزدەپ، قاراڭعى تۇسۋىنە بايلانىستى ىزدەۋدى توقتاتقان.

9 جەلتوقساندا جالعاسقان ىزدەۋ جۇمىستارىنىڭ ناتيجەسىندە 7 مەتر تەرەڭدىكتەن ۋاز اۆتوكولىگى تابىلعان. 4 ادام كولىكتەن شىعا الماي قالعانى بەلگىلى بولدى.

ساعات 10:05-تە مينيسترلىكتىڭ قۇتقارۋ ءبولىمىنىڭ وپەراتيۆتىك كۇشتەرى 4 ءمايىتتى سۋ تۇبىنەن شىعارىپ، پوليسيا قىزمەتكەرلەرىنە بەرگەن.

ىزدەۋ جۇمىسىنا توتەنشە جاعدايلار دەپارتامەنتى مەن پوليسيا دەپارتامەنتى جانە جەرگىلىكتى اتقارۋشى ورگانداردىڭ 27 قىزمەتكەرى مەن 7 تەحنيكاسى جۇمىلدىرىلعان.