20 جەلتوقساندا ساعات 13.05 شاماسىندا پاۆلودار-قىزىلوردا اۆتوجولىنىڭ 201 شاقىرىمىندا جول اپاتى بولدى، دەپ حابارلادى پاۆلودار وبلىسى پوليسيا دەپارتامەنتىنىڭ باسپا ءسوز قىزمەتى.
"جولدىڭ ناشار كورىنۋ جاعدايىندا Subaru Outback، Lada Granta جانە تويوتا سامrۋ اۆتوكولىكتەرىنىڭ قاتىسۋىمەن جول-كولىك وقيعاسى بولدى.
اپات سالدارىنان وقيعا ورنىندا بەس ادام قازا تاپتى، بۇل Lada Granta اۆتوكولىگىنىڭ جۇرگىزۋشىسى مەن جولاۋشىلارى" دەلىنگەن پد باسپا ءسوز قىزمەتى تاراتقان حابارلامادا.
ۆەدومستۆونىڭ مالىمەتىنشە، قايتىس بولعانداردىڭ اراسىندا جاس بالا دا بولعان. وقيعا ورنىندا جەدەل-تەرگەۋ توبى جۇمىس ىستەپ جاتىر. قازىرگى ۋاقىتتا قازا تاپقانداردىڭ جەكە تۇلعالارى انىقتالۋدا.
پىكىر قالدىرۋ