مەملەكەت باسشىسى قاسىم-جومارت توقايەۆ "قازاقستان رەسپۋبليكاسى مەن ازيا ينفراقۇرىلىمدىق ينۆەستيسيالار بانكى اراسىنداعى "قارىز تۋرالى" كەلىسىمدى (COVID-19-عا قارسى كۇرەس جونىندەگى بەلسەندى شارالار مەن شىعىستاردى قولداۋ باعدارلاماسى) راتيفيكاسيالاۋ تۋرالى" قازاقستان رەسپۋبليكاسىنىڭ زاڭىنا قول قويدى. بۇل تۋرالى akorda.kz سايتى حابارلادى.
زاڭنىڭ ءماتىنى الداعى ۋاقىتتا باسپاسوزدە جاريالانادى.
بۇعان دەيىن سەنات كوروناۆيرۋسپەن كۇرەسۋ جانە قازاقستان ەكونوميكاسىن قالپىنا كەلتىرۋ ءۇشىن ازيا دامۋ بانكى مەن ازيانىڭ ينفراقۇرىلىمدىق ينۆەستيسيالار بانكىنەن 1،5 ميلليارد ەۋروعا نەسيە الۋ تۋرالى زاڭ قابىلداعان.
908 ميلليون ەۋروعا العاشقى نەسيەنى ازيا دامۋ بانكى بەرۋى كەرەك. 454 ميلليون ەۋرو كولەمىندەگى نەسيەنىڭ ءبىر بولىگىن قازاقستان ءۇش جىلدىق جەڭىلدىك كەزەڭىمەن قوسا 10 جىل ىشىندە تولەۋى كەرەك. قالعان 454 ميلليون ەۋرو ءۇش جىلدىق جەڭىلدىك كەزەڭىن قوسقاندا بەس جىلعا بەرىلەدى.
ازيالىق ينفراقۇرىلىمدىق ينۆەستيسيالار بانكىمەن ەكىنشى كەلىسىمگە 661 ميلليون ەۋروعا قول قويىلدى. نەسيە ءۇش جىلدىق جەڭىلدىكتى كەزەڭدى قوسا العاندا، 10 جىل مەرزىمىمەن بەرىلەدى.
پىكىر قالدىرۋ