"يراننىڭ يادرولىق قارۋ جاساپ شىعۋىنا بىرنەشە اپتا قالعان بولۋى مۇمكىن" دەپ ەسكەرتتى اقش مەملەكەتتىك حاتشىسى انتونيي بلينكەن.
بلينكەن ءوزىنىڭ بايدەن اكىمشىلىگى الدىنداعى مىندەتتەرىن قابىلداعاننان كەيىنگى العاشقى تەلەسۇحباتىندا قاتاڭ ەسكەرتۋ جاسادى. NBC News ءتىلشىسى اندرەا ميچەللگە بەرگەن سۇحباتىندا بلينكەن يراننىڭ بىرنەشە اي ىشىندە، ءتىپتى، بىرنەشە اپتا ىشىندە يادرولىق دەرجاۆاعا اينالۋى مۇمكىن ەكەنىن ايتتى.
– بۇل ماسەلە كۇردەلەنە ءتۇسۋى مۇمكىن، ويتكەنى يران كەلىسىمنىڭ كەيبىر شەكتەۋلەرىن بۇزا بەرسە، بىرنەشە اپتادا يادرولىق قارۋعا يە بولۋى مۇمكىن... ول يادرولىق دەرجاۆا بولاتىن دەڭگەيگە جاقىندادى، – دەدى حاتشى.
بىرلەسكەن ءىس-قيمىل جوسپارى دەپ اتالاتىن كەلىسىم شارتتارىنا سايكەس، يران وزىنە سالىنعان ەكونوميكالىق سانكسيالاردى جەڭىلدەتۋ ءۇشىن يادرولىق باعدارلاماسىن تەجەۋگە كەلىسكەن.
بۇعان دەيىن يراننىڭ ۆاشينگتون كۇشتەرىنە اسكەري سوققى بەرۋ ءقاۋپى جانە يزريلدىڭ ىقتيمال شابۋىلعا دايىندالىپ جاتقانى ايتىلعان. سونداي-اق اقش-تىڭ ورتا شىعىسقا يادرولىق بومبالاۋشىلار جىبەرگەنى جىبەرگەنى، ءيزرايلدىڭ جوعارعى اسكەري باسشىسى يرانعا شابۋىل جاساۋ جاسپارىنا بۇيرىق بەرگەنى حابارلانعان.
پىكىر قالدىرۋ