بيىلعى وقۋشىلار اراسىنداعى رەسپۋبليكالىق وليمپيادا جىلداعىدان وزگەشە، ونلاين فورماتتا ءوتتى. بىلىمدىلەر سايىسىندا ماڭعىستاۋ وبلىسىنىڭ كومانداسى 29 مەدال يەلەنىپ، قاتىسۋشىلاردىڭ 60%-ى جەڭىمپاز اتاندى. ونىڭ 5 التىن، 6 كۇمىس، 18 قولا مەدال. وقۋشىلار جاراتىلىستانۋ-ماتەماتيكالىق باعىت پاندەرىنىڭ ساپاسى بويىنشا 8 ورىندا، قوعامدىق-گۋمانيتارلىق باعىت بويىنشا 6 ورىندى مەجەلەدى.

وليمپيادا جەڭىمپازدارىن بۇگىن ق ر ءبىلىم جانە عىلىم ءمينيسترى اسحات ايماعامبەتوۆ ينتەرنەت بايلانىس ارقىلى قۇتتىقتاپ، جەڭىمپازداردىڭ اتا-انالارى مەن ۇستازدارىنا العىسىن ايتتى.

جيىن بارىسىندا ماڭعىستاۋ وبلىسى اكىمىنىڭ ورىنباسارى گۇلميرا قالمۇراتوۆا جەڭىپماز 29 وقۋشىعا ءى،ءىى،ءىىى دارەجەلى ديپلومدار مەن مەدالدار تابىستالدى. سونىمەن قاتار، جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ قورىتىندى كەزەڭىندە ۇزدىك ناتيجە كورسەتىپ، ءىىى ورىن يەلەنگەن ماڭعىستاۋ وبلىسىنىڭ كومانداسىنا «ەڭ ۇزدىك وليمپيادالىق كوماندا – 2021» نوميناسياسى تابىستالدى. جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ قورىتىندى كەزەڭىندە ءىى ورىن العان «ءبىلىم – يننوۆاسيا» ليسەي – ينتەرناتى «ۇزدىك وليمپيادالىق مەكتەپ – 2021» نوميناسياسىن جانە مۇنايلى اۋدانىنىڭ №3 مەكتەبى «ۇزدىك اۋىل مەكتەبى – 2021» نوميناسياسى بويىنشا ماراپاتتالدى.