قىز بالا قاي حالىقتا بولماسىن ادەمىلىك پەن ادەپتىلىكتىڭ، سۇلۋلىق پەن ىڭكارلىكتىڭ سيمۆولى. حالقىمىز قىز پسيحولوگياسى ەرەكشەلىگىن تۇسىنە بىلگەن. وتباسى، اكە-شەشەسى، اعا-جەڭگەلەرى، بويجەتكەن قىزىن جىبەكتەي مىنەزىمەن، ۋىزداي ءتاتتى قىلىعىمەن، ىسكەرلىك-ۇقىپتىلىعىمەن، سىپايى-سالماقتىلىعىمەن، ادەپتى-ىزەتتىلىگىمەن كورگىسى كەلگەن. ولاردى كىشكەنتايىنان كوزدىڭ قاراشىعىنداي ساقتاپ، جانى مەن ارىنىڭ تازا، مىنەزىنىڭ جايساڭ بولۋىن قاداعالاپ وتىرعان، ولاردىڭ مىنەزدەرىنىڭ وزگەرتىندىگىن ەسكەرە وتىرىپ، «قىرىق ۇيدەن تىيۋ» كەرەكتىگىن ۇنەمى ەسكەرتىپ وتىرعان.

وسىعان بايلانىستى ارىس قالاسىنىڭ ىشكى ساياسات ءبولىمىنىڭ ۇيىمداستىرۋىمەن مونتايتاس اۋىلدىق وكرۋگىنىڭ ب.ونتايەۆ اتىنداعى جالپى ورتا مەكتەبىنىڭ اكت زالىندا «اقىلدى قىز – اۋىل كوركى» تاقىرىبى اياسىندا «قىزعا قىرىق ۇيدەن تىيۋ» اتتى كەزدەسۋ ءوتتى.

كەزدەسۋدى ب.ونتايەۆ اتىنداعى جالپى ورتا مەكتەپتىڭ ديرەكتورى ت.بالعىنبەكوۆ اشىپ، جۇرگىزىپ وتىردى. كەزدەسۋگە قالالىق ىشكى ساياسات ءبولىمىنىڭ باس مامانى، ارىس قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى ش.نۇرتازايەۆا، «اجەلەر القاسىنىڭ» ءتورايىمى ءو.ەلۋبايەۆ، ب.ونتايەۆ اتىنداعى جالپى ورتا مەكتەبىنىڭ قىزمەتكەرلەرى مەن جوعارى سىنىپتاردىڭ وقۋشى قىزدارى، ب ا ق وكىلدەرى قاتىستى.

ارىس قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى ش.نۇرتازايەۆا قازاقستان رەسپۋبليكاسىندا 2006-2016 جىلدارعا ارنالعان گەندەرلىك تەڭدىك ستراتەگياسى اياسىندا ماعلۇمات بەردى.

 «اجەلەر القاسىنىڭ» ءتورايىمى ءو.ەلۋبايەۆا «قىزعا قىرىق ۇيدەن تىيۋ» تاقىرىبىندا جانە ب.ونتايەۆ اتىنداعى جالپى ورتا مەكتەبىنىڭ مەدبيكەسى ءا.يسابەكوۆا  «گيگيەنا جانە جىنىستىق دامۋ» تاقىرىبىندا باياندامالار جاسادى.

كەزدەسۋ بارىسىندا قاتىسۋشىلار تاراپىنان ۇسىنىس-پىكىرلەر ايتىلىپ، ءتيىستى جاۋاپتار بەرىلدى.

ارىس قالاسى اكىمىنىڭ باسپا ءسوز قىزمەتى