وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى – اسسامبلەيا حاتشىلىعىنىڭ مەڭگەرۋشىسى قالمۇراتوۆ ءمۇراتالى ورازالى ۇلىنىڭ تاپسىرماسىنا سايكەس، ارىس قالاسىنىڭ ىشكى ساياسات ءبولىمىنىڭ ۇيىمداستىرۋىمەن قالامىزداعى №17 كوللەدجدىڭ اكت زالىندا «وڭتۇستىك – دوستىق مەكەنى» جوباسى اياسىندا وزگە ۇلت وكىلدەرى مەن جاستاردىڭ قاتىسۋىمەن كەزدەسۋ ۇيىمداستىرىلدى.
كەزدەسۋگە وبلىستىق «قوعامدىق كەلىسىم» كمم-نىڭ ءبولىم باسشىسى يسمايلوۆ سەيدۋللا كەڭەسباي ۇلى، «قوعامدىق كەلىسىم» كمم-نىڭ تولەبي اۋدانى بويىنشا فيليالىنىڭ باسشىسى مۇسابەكوۆ ابىلاي نۇرجان ۇلى، وبلىستىق وزبەك ەتنومادەني بىرلەستىگىنىڭ «جاستار قاناتىنىڭ» مۇشەسى شەرمەتوۆ نارزۋللا فايزۋللا ۇلى قاتىسىپ، تاقىرىپ اياسىندا باياندامالار جاسادى.
كەزدەسۋگە قالامىزداعى ەتنومادەني ورتالىقتىڭ وكىلدەرى، جاستار، ستۋدەنتتەر مەن ب ا ق وكىلدەرى قاتىستى.
كەزدەسۋ بارىسىندا ەلىمىزدەگى ىشكى ساياسي تۇراقتىلىق پەن ىنتىماق بىرلىكتى قالىپتاستىرۋ، دوستىق قارىم-قاتىناستى نىعايتۋ، كەمەل بولاشاقتى دامىتۋعا ۇندەدى.
سونىمەن قاتار قازاقستان حالقى اسسامبلەياسىنىڭ جىلى اياسىندا جەر-جەرلەردە اتقارىلىپ وتىرعان يگى ىستەر مەن ەلىمىزدىڭ جەتكەن جەتىستىكتەرى، الداعى اتقارىلار ىستەردە بىرلەسە جۇمىس اتقارۋعا جاستاردى شاقىردى.
كەزدەسۋگە قاتىسۋشىلار تاراپىنان سۇراقتار مەن ۇسىنىس پىكىرلەر ايتىلىپ، تۇششىمدى جاۋاپتار بەرىلدى.
كەزدەسۋ سوڭىندا ەستەلىككە سۋرەتكە ءتۇسىپ، جەرگىلىكتى بۇقارالىق اقپارات قۇرالدارى اقپاراتتىق قولداۋلار كورسەتتى.

 «قامشى» سىلتەيدى