2020 جىلعا قاراي قازاقستانداعى جان باسىنا شاققانداعى جالپى ىشكى ءونىم 13،2 مىڭ دوللارعا دەيىن وسەتىن بولادى. بۇل تۋرالى بۇگىن ماجىلىستە «2016-2018 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمى بارىسىندا ۇلتتىق ەكونوميكا ۆيسە-مينيسترى مارات قۇسايىنوۆ ءمالىم ەتتى. بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.
«جالپى ىشكى ءونىمنىڭ نومينالدى كولەمى 2016 جىلى 44 ترلن تەڭگەدەن 2020 جىلعا قاراي 61،5 ترلن. تەڭگەگە دەيىن وسەتىن بولادى. بۇل رەتتە تەڭگەنىڭ ەسەپ ايىرىسۋ باعامىنىڭ وزگەرۋىن ەسكەرە وتىرىپ، 2016 جىلى جان باسىنا شاققانداعى جالپى ىشكى ءونىم 9،9 مىڭ اقش دوللارىنا دەيىن تومەندەيتىنى، ال 2020 جىلعا قاراي 13،2 مىڭ اقش دوللارىنا دەيىن وسەتىن بولادى»، - دەيدى ۆيسە-مينيستر.
مارات قۇسايىنوۆتىڭ سوزىنە قاراعاندا، 2016 جىلى ەلىمىزدەگى ونەركاسىپ كولەمى بيىلعى جىلدىڭ دەڭگەيىندە ساقتالاتىن بولادى. 2017-2020 جىلدارى بۇل سالا تيىسىنشە 1،7 پايىزدان 3،8 پايىزعا دەيىن وسەتىنى كۇتىلەدى.
