بيىلعى 1 قىركۇيەك پەن 30 قازان ارالىعىندا جۇرگىزىلگەن ۇلتتىق حالىق ساناعىنىڭ العاشقى ناتيجەلەرىنە ساي، قازاقستان حالقىنىڭ جالپى سانى – 19 169 550 ادام. بۇل تۋرالى پرەمەر-مينيستر اسقار مامين پرەزيدەنت ق.توقايەۆتىڭ قابىلداۋىندا بولعانىندا ءمالىم ەتتى.

ءماميننىڭ دەرەگىنشە، 19 169 550 ادامنىڭ 48،71 پايىزى – ەر، 51،29 پايىزى ايەل.

قازاقستان حالقىنىڭ ورتا جاسى – 31،94 جاس.

جالپى حالىقتىڭ 33،97 پايىزى – 17 جاسقا دەيىنگى بالالار، 19،72 پايىزى – 14-28 جاس ارالىعىنداعى جاستار. ەلىمىزدەگى قازاقتاردىڭ ۇلەسى – 70،18 پايىزعا جەتكەن.

حالىقتىڭ 59،05 پايىزى، ياعني 11 320 410 ادام ەڭبەككە جارامدى دەپ تانىلعان.