پرەمەر-مينيستردىڭ ورىنباسارى ەرالى توعجانوۆ ءماجىلىستىڭ جالپى وتىرىسىندا كەشە ۇكىمەت زەينەتاقى مەن جاردەماقىلارعا يندەكساسيا جاساۋ بويىنشا شەشىم قابىلداعانىن ءمالىم ەتتى.
– ينفلياسيا ءدالىسىنىڭ 8-10 پايىزعا دەيىن جوعىرىلاۋىنا بايلانىستى زەينەتاقى مەن جاردەماقىلاردى 4 پايىزعا يندەكساسيالاۋ جوسپارلانىپ وتىر. بۇل 2021 جىلعا قاراعاندا الەۋمەتتىك تولەمدەردىڭ ءوسىمىن 9 پايىزعا، زەينەتاقىنىڭ 11 پايىزعا ارتۋىن قامتاماسىز ەتەدى. ءوسىم الەۋمەتتىك تولەم الاتىن 4 ميلليون 200 مىڭ ادامدى قامتيدى. اتالعان ماقساتقا بيۋدجەتتەن قوسىمشا 111 ميلليارد قارجى ءبولۋ قاراستىرىلىپ وتىر، – دەدى ول.
ادەتتە يندەكساسيا جىلدىڭ باسىندا ۇكىمەت بەكىتكەن قىمباتشىلىق دەڭگەيىنە شامالاس دەيگەيدە جاسالاتىن. بيىل ءوسىم 5 پايىزدى قۇراعان. قوسىمشا يندەكساسيا ماۋسىم-شىلدە ايىندا جاسالادى دەپ كۇتىلىپ وتىر.
پىكىر قالدىرۋ