كەز كەلگەن جاستىڭ ارمانى – داۋلەت پەن ب ا ق، جارقىن بولاشاق بولسا كەرەك. بۇل – ماقساتى بيىك، تالابى كەڭگە، ءبىلىمى تەرەڭ، ەڭبەگى كوپكە بۇيىراتىن دۇنيە. بۇل تۋرالى قامشى پورتالى ايقىن-اقپاراتقا سىلتەمە اساي وتىرىپ حابارلايدى.

«نۇر وتان» – كوشباسشى پارتيا رەتىندە جاس، جاسامپاز، جىگەرلى قازاقستاندىقتارعا قولداۋ كورسەتىپ كەلەدى. وسى باعىتتاعى پارتيالىق جوبالاردىڭ ءبىرى – «جاس وتان» جاستار قاناتى ارقىلى ىسكە اسىرىلىپ جاتقان «جاستار كادرلىق رەزەرۆى» بولىپ تابىلادى. كەشە «نۇر وتاننىڭ» استانا قالالىق فيليالى عيماراتىندا بايقاۋ كوميسسياسى كادرلىق رەزەرۆكە كىرۋگە ۇمىتتىلەرمەن سۇحباتتاسۋعا كىرىستى.   

– كادرلىق رەزەرۆكە كىرۋگە 17-28 جاستاعى قازاقستاندىقتار ۇمىتتەنە الادى، – دەيدى «جاس وتان» جاستار قاناتى حاتشىلىعىنىڭ وكىلى، جاستار جوبالارى ءبولىمىنىڭ ەكسپەرتى ۇلان بالداحوۆ. – جوبا بۇكىل قازاقستاندى قامتيدى، تيىسىنشە، بارلىق ءوڭىر­لەردە ۇمىتكەرلەرمەن اڭگىمەلەسۋلەر جۇرۋدە. بۇگىن سۇحباتتاسۋدىڭ استاناداعى كەزەڭى باستالدى. ەكى كۇن ىشىندە ءبىز بارلىق ۇمىتكەرلەرمەن سۇحباتتاسىپ شىعامىز. ءبىر ەلور­دانىڭ وزىندە «جاستار كادرلىق رەزەرۆى» سايتى ارقىلى 125-تەن استام ادامنىڭ ءوتىنىشى تىركەلدى. دەگەنمەن بىزگە ءار وڭىردەن تەك ەكى، ال بۇكىل قازاقستان بويىنشا بارلىعى 32 ادامدى عانا ىرىكتەپ الۋىمىزعا تۋرا كەلەدى. 
العاشقى سىننان سۇرىنبەي وتكەندەر كەلەسى «ءبىلىم بەرۋ» كەزەڭىن­دە كاسىبي باسقارۋشىلاردىڭ بىلىك-ماشىقتارىنىڭ نەگىزدەرىن مەڭ­گەرەدى. بۇل كەيىن ولارعا مەملەكەتتىك باسقارۋ قۇرىلىمدارىندا، جەكە سەكتوردا ءوز الەۋەتتەرىن جارقىراتا اشىپ كورسەتۋگە كومەكتەسەدى. 
– ءبىز رەزەرۆكە كىرگەن جاستاردىڭ تۇلعالىق وسۋىنە جاردەمدەسەمىز. بۇل ىستە پارتيانىڭ ساياسي مەنەدجمەنت مەكتەبى، مەملەكەتتىك باسقارۋ اكادەمياسى قولعابىس ەتەدى. مۇنىڭ سىرتىندا «رەزەرۆيستەردى» باپتاۋ، ولاردان بولاشاق باسقارۋشىلار جاساۋ ءۇشىن شەتەلدەن جاتتىق­تىرۋشىلاردى، پسيحولوگتاردى تارتامىز» – دەيدى ۇ.بالداحوۆ.  
جالپى، «جاستار كادرلىق رەزەرۆى» پارتيالىق جوباسى ءوزىنىڭ تابىستىلىعىن دالەلدەدى. بۇگىندە وعان 372 جاس باسقارۋشى كىرىپ وتىر. «رەزەرۆيستەر» مەملەكەتتىك قىز­مەتكە، ۇلتتىق كومپانيالار مەن حولدينگتەرگە جۇمىسقا ورنالاسىپ، ابىرويلى ەڭبەك ەتۋدە. مۇنىڭ سىرتىندا جوبا تۇلەكتەرىنىڭ ءبىر­قاتارى ءوز بيزنەستەرىن اشتى. ويتكەنى جوبا اياسىنداعى ءبىلىم بەرۋ، جات­تىقتىرۋ ۇدەرىسى ولارعا ومىردەگى ءوز ورنىن انىقتاۋعا مۇمكىندىك بەرەدى، سول جولداعى ارى قارايعى باتىل قادامدارعا باعدارلايدى.
– ماسەلەن، ماڭعىستاۋ وبلى­سىنان قاتىسقان ليانا شۋليكوۆا ءبىزدىڭ ترەنينگتەردەن كەيىن ءوز ءىسىن اشتى. ءقازىر ونىڭ باتىس قازاقستان وڭىرىندە تابىستى دامىپ جاتقان ءتول حولدينگى بار، ولار جاس ادامداردىڭ ءستيلىن، ءيميدجىن تۇزەدى: جاستارعا ءوزىن قالاي سالماقتى ۇستاۋدى، كورنەكتى كورىنۋ ءۇشىن قانداي كيىم كيىپ، ءتىپتى قانداي شاش قويۋ ۇلگىسىن ۇستانۋ كەرەكتىگىن ۇيرەتەدى، – دەيدى «جاس وتان» حاتشىلىعىنىڭ وكىلى.     
ونىڭ مالىمەتىنشە، جاستار رەزەرۆىندەگى ازاماتتاردىڭ ءبىرقاتارى مەملەكەتتىك قىزمەتكە تۇردى. مى­سالى، جوبانىڭ بىلتىرعى تۇلەگى سۆەتلانا گلادىشيەۆا اقسۋ قالاسى اكىمىنىڭ الەۋمەتتىك ماسەلەلەر جونىندەگى ورىنباسارى لاۋازىمىنا دەيىن جوعارىلادى. 
«جاستار كادرلىق رەزەرۆى – 2015» جوباسىنىڭ جاڭالىعى – ستۋدەنتتىك اۋديتورياعا باسىمدىق بەرىلىپ وتىر. وعان سونداي-اق جاستار ۇيىم­دارىنىڭ جەتەكشىلەرى قاتىسۋدا.
– بىلتىر جاسى 25-29 ارا­لىعىنداعى، ومىرلىك جانە كاسىبي تاجىريبەسى بار جاستارعا باع­دارلانساق، بيىل كوللەدج، ۋني­ۆەرسيتەتتەردە وقىپ جۇرگەن جاس­تاردى كوبىرەك قامتىماقپىز. ەگەر ولار بولاشاقتا ەلىمىزدىڭ باس­قارۋشىلارى قاتارىنان ورىن الۋدى قالاسا، سوعان قۇلشىنسا، قازىردەن باستاپ تاربيەلەۋگە، باۋلۋعا ءتيىسپىز. وقۋ ورنىندا ءجۇرىپ، مۇنداي ءتا­جىريبەلىك بىلىكتىلىككە قول جەتكىزۋ قيىنداۋ. ءبىز ولارعا مەمورگاندار مەن قۇرىلىمداردا تاجىريبەدەن، تاعىلىمدامادان وتۋگە، كەيىن جۇمىسقا تۇرۋعا جاردەمدەسەمىز. ەگەر جاس ادام جىگەرلى، تالاپتى، ماق­ساتشىل بولسا، ءوز مۇراتىنا جەتەدى. ال «نۇر وتان» پارتياسى «رەزەر­ۆيستەردىڭ» مەمورگانداردا، ۇلتتىق كومپانيالاردا، پارلامەنتتە تاجىريبەدەن وتۋىنە كومەكتەسەدى، – دەدى ۇلان بالداحوۆ.
كەشە سۇحباتتاسۋدان العاش­قىلاردىڭ ءبىرى بولىپ، ەلوردالىق زاڭ ۋنيۆەرسيتەتىنىڭ حالىقارالىق قۇقىق فاكۋلتەتىنىڭ ستۋدەنتى ۆالەريا ۆولوشينا ءوتتى. ءوزى مەملەكەتتىك ءتىلدى جاقسى-اق مەڭگەرىپتى.  
– مەنىڭ دوس قىزدارىمنىڭ ءبىرى­نە مانساپ ساتىسى بويىنشا وسۋگە «نۇر وتان» پارتياسى جاستار قانا­تىنىڭ وسى كادرلىق رەزەرۆى كومەك­تەستى. ول ءبىز ءۇشىن جەتىستىككە جەتۋدىڭ باع­دارىنا اينالدى. سوندىقتان مەن دە باعىمدى سىناپ كورۋگە ۇيعاردىم. مۇنىڭ سىرتىندا كوشباسشى پارتيا جاستارعا ارنالعان باسقا دا جوبا­لاردى جۇزەگە اسىرۋدا. سولارعا دا قاتىسپاق نيەتىم بار. ولار جاۋاپ­كەرشىلىك، ماقساتكەرلىك، ەڭبەك­سۇيگىشتىك قاسيەتتەرىنە يە جاستاردى قولدايدى، – دەيدى ۆالەريا.
بايقاۋ كوميسسياسىنىڭ مۇشەسى، استانا قالاسى جاستار ساياساتى ماسەلەلەرى باسقارماسىنىڭ باس­شىسى تالعات راحمانبەردى دە پار­تيالىق جوباعا جوعارى باعا بەرەدى: 
– استانا – جاستار قالاسى. ەلوردا تۇرعىندارىنىڭ 30 پايى­زىنان استامى – 14 پەن 29 ارا­لىعىنداعى جاس ازاماتتار. پار­تيانىڭ «جاستار كادرلىق رەزەرۆى» ولارعا ءوز ورنىن تابۋعا، الەۋەتىن ىسكە اسىرۋعا، ناتيجەسىندە تەك ءوز ءومىرىن جاقسارتىپ قانا قويماي، سونداي-اق ەلوردانىڭ جانە ەلدىڭ وركەندەۋىنە ۇلەس قوسۋعا جول اشادى. مۇنداي ىزگىلىكتى شارالاردى ءبىز، استانا اكىمدىگى قولدايمىز! 
ت.راحمانبەردى سۇحباتتاسۋ كەزىندە ۇمىتكەرلەردى قانداي ولشەم-كري­تەرييلەر بويىنشا باعا­لايتىنىن ايتىپ بەردى: «اقىل جاستان دەمەي مە، جاس ادامنىڭ ايتاتىن ويى جاڭا، ال سوزدىك قورى سونى لايىقتى جەتكىزۋگە جەتكىلىكتى بولۋعا ءتيىس. سونىمەن بىرگە ءۇمىت­كەردىڭ وسى ۋاقىتقا دەيىن جەتكەن جەتىستىگىنە، قوعامدىق ىستەگى بەل­سەندىلىگىنە قارايمىن. الدىنا قانداي ماقسات قويىپ وتىرعانى دا نازار اۋدارتادى. دەگەنمەن ماقسات قويۋمەن شەكتەلمەي، وعان جەتۋ جول­دارىن ءبىلۋ ماڭىزدى». 
سونداي-اق ول استانا اكىمدىگىنىڭ وكىلى رەتىندە جاس ماماننىڭ تاڭداعان ماماندىعىنا دا نازار اۋدارادى ەكەن: «سەبەبى ءبىزدىڭ قالا نارىعىندا بەلگىلى ءبىر كاسىپ يەلەرىنە مۇقتاجدىق ۇلكەن، سۇرانىس كوپ. ولار – تەحني­كالىق، ينجەنەرلىك، قۇرىلىس مامان­دىق­تارى. ەلوردادا دارىگەرلەر، باس­تاۋىش سىنىپ مۇعالىمدە­ءرى جە­­ءتىس­­­پەيدى. وسىلاردىڭ بارلىعىن ەسكەرە كەلە، ءبىر شەشىمگە كەلەمىز» دەدى ول.
2008 جىلى «نۇر وتان» پارتياسى جانىنداعى «جاس وتان» جاستار قا­ناتىنىڭ ءى سەزىندە مەملەكەت باس­شىسى، پارتيا ءتوراعاسى ن.نازار­با­ەۆ جاستار قاتارىنان «مەملەكەتتىك باسقارۋ جۇيەسى، بيزنەس جانە قو­عامدىق قىزمەت سالاسى ءۇشىن قاجەتتى زاماناۋي جانە ءتيىمدى باسقارۋ­شىلاردىڭ جاڭا بۋىنىن قالىپ­تاستىرۋ» مىندەتىن قويعان بولاتىن. وسى ورايدا «جاس وتان» «جاستار كادرلىق رەزەرۆى» جوباسىنا باس­تاماشى بولدى. 
2009 جىلدان بەرى جۇزەگە اسى­رىلىپ كەلە جاتقان بۇل جوبا كاسىبي ماشىقتار مەن باسقارۋشىلىق بىلىكتىلىككە يە، مانساپ ساتىسىمەن جوعارىلاۋعا ىنتالى، وقىپ-ۇيرەنۋگە بەيىم، ساراپتامالىق ويلاۋ قابىلەتى جانە ايقىن اڭعارىلاتىن كوش­باسشىلىق قاسيەتتەرى بار جاستارعا ارنالعان. 
6 جىل ىشىندە «جاستار كادرلىق رەزەرۆىنە» ەنۋگە 10 مىڭنان اسا جاس ءوتىنىش ءبىلدىردى. جوبا قولعا الىن­عالى بەرى 372 ادام اشىق ىرىكتەۋدەن، تەستىلەۋدەن ءوتتى، وقۋ مودۋلدەرىنە قاتىستى، كاسىبي بىلىكتىلىكتەرى با­عالاندى. ءارتۇرلى ۇيىمداردا تاعى­لىمدامالاردان ءوتتى. 
ەندى جوبانىڭ جاڭا تولقىنى باستاۋ الىپ وتىر.