پرەمەر–مينيستر ءاليحان سمايىلوۆ ءوزىنىڭ ۇكىمەت باسشىسى لاۋازىمىنا ۇسىنىلۋىنا قارسى بولعان جالپىۇلتتىق سوسيال–دەموكراتيالىق پارتيانىڭ سىنىنا جاۋاپ بەردى، دەپ حابارلادى informburo.kz
"ءقازىر پارلامەنتتە التى پارتيا وتىرعاندىقتان، التى ءتۇرلى پىكىردىڭ بولۋى – قالىپتى نارسە. كەز–كەلگەن سىن جۇمىستىڭ ونىمدىلىگىن ارتتىرادى. سوندىقتان سىن ايتىلۋى بىزگە تەك پايداسىن تيگىزەدى. بۇعان تۇسىنىستىكپەن قارايمىز. ۇكىمەت قازاقستاننىڭ يگىلىگى ءۇشىن ودان ءارى جۇمىس ىستەۋگە دايىن"، – دەدى پرەمەر-مينيستر.
سونىمەن قاتار، ءاليحان سمايىلوۆ پارلامەنت پەن قوعام مينيسترلەر كابينەتىنە ۇلكەن سەنىم ارتاتىنىن اتاپ ءوتتى.
ەسكە سالا كەتەيىك، جسدپ پارلامەنتتىك وپپوزيسيا رەتىندە "امانات" پارتياسى ۇسىنعان ءاليحان سمايىلوۆتىڭ كانديداتۋراسىنا قارسى ەكەنىن ايتقان بولاتىن. ءبىراق داۋىس بەرۋ قورىتىندىسى بويىنشا ءاليحان سمايىلوۆ ءوز ورنىن ساقتاپ قالعان ەدى.
پىكىر قالدىرۋ