بۇگىن ءۇيقاماقتا وتىرعان جانبولات مامايدىڭ ءىسى بويىنشا ءجارىسسوز باستالدى. پروكۋراتۋرا جانبولات مامايدى ايىپتى دەپ تاۋىپ، شارتتى تۇردە 6،6 جىلعا باس بوستاندىعىنان ايىرۋدى سۇرادى.
ينگا يمانبايدىڭ ايتۋىنشا، پروكۋرور جانبولات مامايدى 2011 جىلى بولعان جاڭاوزەن وقيعاسىن الماتىدا قايتالايدى دەپ ايىپتاعان.
سونىمەن قاتار، وعان 6 جىل بويى قوعامدىق–ساياسي، جۋرناليستىك قىزمەتپەن اينالىسۋعا، الەۋمەتتىك جەلىلەردە سويلەۋگە تىيىم سالۋدى سۇراعان.
ەسكە سالا كەتەيىك، جانبولات ماماي 2022 جىلعى اقپان ايىندا قاڭتار وقيعاسىنىڭ 40 كۇندىگىنە وراي وتكەن قارالى ميتينگتەن كەيىن ۇزاماي ۇستالىپ، قاراشاعا دەيىن تەرگەۋ يزولياتورىندا قاماۋدا وتىرعان. وعان و باستا جاپپاي تارتىپسىزدىك ۇيىمداستىردى، پوليسياعا ءتىل تيگىزدى، جالعان اقپارات تاراتتى دەگەن ايىپتار تاعىلعان. بىلتىر قازان ايىنىڭ سوڭىندا جاپپاي تارتىپسىزدىك ۇيىمداستىردى دەگەن ايىپ بەيبىت جيىن وتكىزۋ ءتارتىبىن بۇزدى دەگەن جەڭىلىرەك ايىپقا اۋىستىرىلعانى بەلگىلى بولدى. ال 2 قاراشا كۇنى سوت وعان قاتىستى بۇلتارتپاۋ شاراسىن وزگەرتىپ، تەرگەۋ يزولياتورىنان ءۇيقاماققا جىبەرگەن بولاتىن.
